សូមចូលរួមរំលែកទុក្ខផង វិចិត្រករកូនខ្មែរដ៏មានស្នាដៃ និងជាម្ចាស់ហាងគំនូរវិចិត្រករខ្មែរ បានរៀបរាប់ទាំងទឹកភ្នែកពីទុក្ខសោករបស់ខ្លួន បន្ទាប់ពីបងស្រីបានស្លា ប់បាត់បង់ជីវិតដោយសារតែ
យោងតាមរយៈគណនីហ្វេសប៊ុកឈ្មោះ Artist Cambodia ដែលរូបលោកគឺជាវិចិត្រករកូនខ្មែរដ៏មានស្នាដៃ និងជាម្ចាស់ហាងគំនូរវិចិត្រករខ្មែរក្នុងខេត្តសៀមរាប នៅល្ងាចនាថ្ងៃទី៣០ ខែមេសា ឆ្នាំ២០២០ នេះ បានមានការរៀបរាប់ទាំងទឹកភ្នែកទៅកាន់មហាជន ខណៈដែលបងស្រីជាទីស្រលាញ់របស់ខ្លួនបានស្លា ប់បាត់បង់ជីវិតដោយសារតែករណីគ្រោះថ្នាក់ចរាចរណ៍ ដោយខាងក្រោមនេះគឺជាខ្លឹមសាររៀបរាប់ទាំងស្រុងដូចតទៅ៖
«អ្នកដែលបើកឡានលឿន ហើយបត់មិនស៉េញ៉ូ សេញ៉ូភ្លាមបត់ភ្លែត តើអ្នកមានបានគិតដល់ជីវិតអ្នកជិះម៉ូតូ ឬជីវិតអ្នកដទៃទេ? ឬក៏អ្នកអាងថាមានឡាន ទោះបីមានបញ្ហាក៏ខូចត្រឹមឡាន មិនគ្រោះថ្នាក់ដល់ខ្លួនអ្នក? ដូចនេះហើយទើបអ្នកបើកមិនគិតដល់អ្នកដទៃអញ្ចឹងឬ? ទឹកភ្នែកដែលហូរស្រក់រាប់លានដំណក់រមាលធ្លាក់មកដោយមិនដឹងខ្លួន ហូរមិនឈរឈប់មិនថាយប់ឬថ្ងៃ ព្រោះខ្ញុំបានបាត់បង់ស្ទើរតែគ្រប់យ៉ាង ដែលខ្ញុំមិនអាចទទួលយកបានភ្លាមៗ ពេលខ្លះស្ទើរតែមិនចង់រស់នៅទេនៅពេលដែលជីវិតជួបទុក្ខខ្លាំងពេក ដឹងហើយថាជីវិតជាទុក្ខគឺពិតជាមិនអាចគេចវេស នឹងជៀសផុតបានឡើយ ក៏ប៉ុន្តែនៅតែទទួលយកមិនបានទេ ធម្មជាតិនេះពិតជាសាហាវព្រៃផ្សៃណាស់ ។
ខ្ញុំសែនឈឺចាប់ខ្លោចផ្សារណាស់ចំពោះរឿងរ៉ាវដែលកើតឡើងចំពោះជីវិតនេះណាស់ ខ្ញុំពិបាកចិត្តខ្លាំងណាស់ ពិបាកស្ទើរតែស្ទះទ្រូងធ្លាយទៅហើយ មិនមែនមានតែរឿងប៉ុននេះទេ នៅមានទុក្ខផ្សេងទៀតដែលកើតឡើងចំពោះខ្ញុំដែលធ្វើអោយទឹកភ្នែកខ្ញុំស្រក់មិនឈប់ឈរ ខ្ញុំជាមនុស្សស្មោះត្រង់នឹងគេណាស់ ស្មោះរហូតដល់គេធ្វើបាបចិត្តខ្ញុំ គេធុញទ្រាន់ខ្ញុំ តែខ្ញុំមិនដែលសូម្បីតែគិតថាមានចិត្តងាករេ រឺក្បត់គេឡើយ
តែភាពស្មោះត្រង់របស់ខ្ញុំបែរជាប្រែក្លាយទៅជាភាពល្ងង់ខ្លៅសំរាប់គេទៅវិញ ភាពស្មោះត្រង់របស់ខ្ញុំ នឹងអ្វីគ្រប់យ៉ាងដែលខ្ញុំធ្វើវាគ្មានតំលៃអោយគេមើលឃើញទេ ខ្ញុំសសេរបណ្តើរទឹកភ្នែកខ្ញុំហូររមាលធ្លាក់ចុះមកបណ្តើរ មិនដឹងជានិយាយប្រាប់អ្នកណាទេ ព្រោះរឿងខ្លះមិនអាចបកស្រាយអោយគេឯងដឹងលឺបាន ព្រោះវាពិតជាគួរអោយខ្មាស់គេណាស់ ស្រណោះខ្លួនណាស់ អាណិតខ្លួនណាស់ នឹកឡើងខ្មាស់ខ្លួនចង់ពួនអោយក្ស័យ លាភពផែនដីទើបផុតវិបត្តិ។
ខ្ញុំពិបាកចិត្តខ្លាំងណាស់ តែខ្ញុំជាមនុស្សចូលចិត្តធ្វើអោយគេសប្បាយដែលតាមពិតទៅជីវិតខ្ញុំនេះជួបរឿងលំបាកខ្លាំងស្ទើរតែមិនចង់រស់នៅទេ ខ្ញុំមិនដឹងជានិយាយយ៉ាងមិចអោយដឹងនូវទុក្ខសោកដែលកើតឡើងមកលើរូបខ្ញុំអោយបងប្អូនបានយល់នោះទេ។ ខ្ញុំសុំនៅម្នាក់ឯងមួយរយៈសិនហើយ ពេលបានស្បើយខ្ញុំនឹងវិលវិញ ។ ចុងបញ្ចប់ ខ្ញុំសូមអោយបងស្រីទៅអោយបានសុខ បងទៅបានសុខហើយ បើមានជាតិក្រោយសូមកុំអោយបងអភ័ព្វដូចជាតិនេះទៀត ហើយក៏សូមអោយបងប្រុស នឹងក្មួយសំលាញ់ចិត្តដែលរងរបួសធ្ងន់ធ្ងរឆាប់ជាសះស្បើយឆាប់ៗផង»។
ប្រភព៖ khmerosja