នារីម្នាក់ជិះម៉ូតូតាមចោរឆក់ទូរសព្ទ ក៏ប៉ះនឹងរថយន្តដួលសន្លប់ស្តូកឆែកក្នុងកែបម៉ូតូមាន លុយជិត៤ម៉ឺនដុល្លារតែ…
នារីរងគ្រោះម្នាក់កំពុងជិះម៉ូតូផងនិយាយទូរសព្ទផង ក៏ត្រូវចោរឆក់ ភ្លាមៗនារីរងគ្រោះ បានជិះដេញតាមចាប់ចោរ ក៏ប៉ះនឹងរថយន្តបណ្ដាលឲ្យដួលសន្លប់ស្តូកស្តឹង ត្រូវបានគេហៅរថយន្តមកសង្គ្រោះ ស្រាប់តែគេប្រទះឃើញលុយក្នុងខ្លុបម៉ូតូប្រមាណ៣៧០០០ដុល្លារ។
ហេតុការណ៍នេះកើតឡើង វេលាម៉ោងប្រមាណ ១០និង២០នាទីយប់ថ្ងៃទី០១ ខែឧសភា ឆ្នាំ២០២០ នៅតាមបណ្ដោយផ្លូវសហព័ន្ធរុស្ស៊ី ស្ថិតនៅភូមិក្បាលដំរីទី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។
ប្រភពព័ត៌មានបានឲ្យដឹងថា ខណៈពេលនារីរងគ្រោះកំពុងជិះម៉ូតូផងនិយាយទូរសព្ទផង ក៏ត្រូវបានជនសង្ស័យឆក់ទូរសព្ទដៃ ភ្លាមៗនារីរងគ្រោះ បានជិះដេញចោរឆក់នោះ ពេលកំពុងជិះដេញក៏ប៉ះជាមួយរថយន្ត បណ្ដាលឲ្យនារីដួលសន្លប់ស្តូងស្តឹង ហើយក៏ត្រូវបានរថយន្តមន្ទីរពេទ្យឯកជនសម្ភពរស្មីដឹកជនរងគ្រោះយកមកជួយសង្គ្រោះ។ ចំណែកជនសង្ស័យឆក់ទូរសព្ទបានសម្រេច ជិះគេចខ្លួនបាត់ស្រមោល។
ប្រភពដដែលបានបន្តថា ម៉ូតូជនរងគ្រោះ ម៉ាកឃ្លីក ពណ៌ស ពាក់ស្លាក់លេខ ត្រូវបានប្រជាពលរដ្ឋយកម៉ូតូជនរងគ្រោះមកមុខមន្ទីរពេទ្យសម្ភពរស្មី ដើម្បីប្រគល់ឲ្យសមត្ថកិច្ចនិងបងប្អូននារីជនរងគ្រោះរាប់លុយចំនួន៣៧២០០ដុល្លារ នៅក្នុងមន្ទីរពេទ្យ។
បើតាមប្រជាពលរដ្ឋដែលឃើញហេតុការណ៍នោះឲ្យដឹងថា នារីរងគ្រោះជិះដេញចាប់ចោរ ខណៈពេលដេញក៏បុកនឹងរថយន្តពីក្រោយ បណ្ដាលឲ្យនារីរងគ្រោះសន្លប់ ខណៈពេលនោះក៏ឃើញរថយន្តសង្គ្រោះនៅតាមបណ្ដោយផ្លូវនោះដែរ ក៏ឃាត់ឲ្យជួយសង្គ្រោះជនរងគ្រោះ បន្ទាប់មកក៏យកម៉ូតូអែបកៀន ហើយក៏បើកកែបម៉ូតូក្រែងលមានលេខទូរសព្ទ ដើម្បីទាក់ទងទៅគ្រួសារជនរងគ្រោះ ពេលបើកមកក៏ឃើញលុយដុល្លារចំនួន៣៧២០០ដុល្លារ ហើយក៏យកម៉ូតូជនរងគ្រោះព្រមទាំងលុយនៅក្នុងកែបម៉ូតូនោះប្រគល់ជូនសមត្ថកិច្ច នៅនឹងមន្ទីរពេទ្យសម្ភពរស្មីតែម្តង។
ប្រភព៖ thmeyload