ទប់ទឹកភ្នែកមិនជាប់ទេ​ ទិដ្ឋភាព​ជូន​ដំណើរ​ជាលើក​ចុងក្រោយ ស​ ព​ លោកសាស្រ្តាចារ្យ ទិត្យ សែន​ និងបានដាក់ដំបង​ ​និងព្រះខ័ន ដែលជា​របស់លោកគ្រូ​ស្រលាញ់ រួមដំណេីរទៅលោកខាងមុខ

នៅយប់​ថ្ងៃសៅរ៍​ ទី​២៣ ខែឧសភា ឆ្នាំ២០២០​ ​នេះ​ ​ លោកសាស្រ្តាចារ្យ ទិត្យ សែន ជំនាញឯកទេសតួយក្ស ល្ខោនខោល ដ៏ល្បីឈ្មោះបានទទួលមរណភាព ដោយរោគាពាធ។​ សូមចូលរួមរំលែកទុក្ខយ៉ាងក្រៀមក្រំចំពោះការបាត់បង់នូវធនធានដ៏កម្រដែល​ពោរពេញ​ដោយ​សមត្ថភាព​ សូមវិញ្ញាណក្ខន្ធ លោកគ្រូបានទៅកាន់ឋានបរមសុខកុំបីឃ្លៀងឃ្លាតឡើយ។

 

ទន្ទឹម​នឹង​នេះ​ដែរ​ នៅ​ថ្ងៃ​ប្រារព្ធ​ធ្វើពិធី​បុណ្យ​ស​ ព​​ បន្ទាប់​ពី​រំលងបានមួយថ្ងៃនោះក៏ស្រាប់តែមាន​អភូត្តហេតុ​បែប​អបិយជំនឿ​ ដោយ​វិញ្ញាណក្ខន្ធ​របស់​លោក​សាស្ត្រាចារ្យ​ ទិត្យ​ សែន​ បាន​ចូល​សន្ធិត​​ក្នុង​ខ្លួន​ចៅ​របស់​គាត់​ ព្រម​ទាំង​បាន​រាំល្ខោនខោលជា​ច្រើន​ក្បាច់​ ដែលធ្វើ​ឲ្យ​អ្នកនៅ​ក្នុង​ពិធី​បុណ្យ​ទាំងមូល​នាំគ្នា​ព្រឺរោម​គ្រប់ៗគ្នា​តែម្តង​។

ជាមួយ​គ្នា​នេះ​ដែរ​ នៅយប់​ថ្ងៃដដែលនេះ​ក៏ស្រាប់តែ​មាន​អភូត្តហេតុ​ថ្មីមួយ​ទៀត​ ដែល​បន្ទាប់​ពីមាន​អ្នក​ចូលរួម​ក្នុង​ពិធី​នេះ​បានដុតធូបរួចមក​ ក៏ស្រាប់តែ​ផ្សែង​ធូបបានលេចចេញ​ជាទំរង់ ហនុមាន ហេីយរូបមួយសន្លឹកទៀតបា​នចេញជាតួអង្គយក្សរបស់លោកសាស្រ្តាចារ្យ ទិត្យ សែន​ ដែលគាត់​នៅអាល័យល្ខោនខោលណាស់​ ។

សូម​ជម្រាប​ដែរថា​ ស​ ពលោកគ្រូ​បានតម្កល់ធ្វើបុណ្យតាមប្រពៃណីនៅឈាបនដ្ឋាន វត្តទឹកថ្លា ក្រុងភ្នំពេញ​ នឹងបានបូជាកាលពី​រសៀល​ថ្ងៃ​មិញនេះ​ ត្រូវ​នឹង​ថ្ងៃ​ច័ន្ទ​ ទី​២៥​ ខែឧសភា​ ឆ្នាំ​២០២០​ ។ យ៉ាងណា​មិញ​ បេីយោងតាម​រយៈគេហទំព័រ​ផេក​ហ្វេសប៊ុក​ឈ្មោះ​ យុវជន​ល្ខោន​ខោល​កម្ពុជា​ បាន​បង្ហោះ​ពី​ទិដ្ឋភាព​ជូន​ដំណើរ​ជាលើក​ចុងក្រោយស​ ព​លោកសាស្រ្តាចារ្យ ទិត្យ សែន​ ពី​ក្រុម​គ្រួសារ​ ព្រមជាមួយ​ខ្លឹមសារ​រៀបរាប់​ឲ្យ​ដឹង​ថា​៖

«ដំបង និងព្រះខ័ន សម្រាប់សម្តែងល្ខោនខោល ដាក់លោកគ្រូដាក់តាមខ្លួនធ្វេីដំណេីរតាមទៅលោកខាងមុខ ។ សូមលោកគ្រូបានទៅដល់ទីបរមសុខ ដឹងថាលោកគ្រូស្រឡាញ់របស់ទាំង២នេះ​។ សាស្ត្រាចារ្យ ទិត្យ សែន ផ្នែកល្ខោនខោល​ មរណភាព 23.05.2020 វេលា​ម៉ោង​ 9:45យប់​ បូជា 25.05.2020 វេលា​ម៉ោង​ ​2រសៀល»។

ជាមួយ​គ្នា​នេះ​ដែរ​ បេីយោងតាម​រយៈ​គណនី​ហ្វេសប៊ុក​ឈ្មោះ​ ហង់​ ភូមិ​រ៉ា​ ដែល​ត្រូវ​កូន​របស់​លោកសាស្រ្តាចារ្យ ទិត្យ សែន​ បាន​បង្ហោះ​ពី​ទិដ្ឋភាព​ទាំងមូល​ក្នុង​ពិធី​បុណ្យ​ស​ ព​ ព្រមទាំងបានភ្ជាប់សារ​រៀប​រាប់​ទាំង​អារម្មណ៍​ក្ដុកក្ដួល​ថា៖«មកលាចុងក្រោយ លាហេីយលាគ្មានថ្ងៃត្រលប់ លោកគ្រូ ចំណេះដឹងល្ខោនខោល ដែលឪបានទុកឲ្យ ខ្ញុំនិងបន្តវេនកូនចៅជំនាន់ក្រោយយេីង សូមលោកគ្រូ ឪទៅឋានស្ងប់សុខ លាហេីយលាមួយជីវិត សិស្សខោលនៅច្រេីននាក់ ដែលមិនបានចូលរួម»។

សូមទស្សនាវីដេអូខាងក្រោម

ប្រភព៖ khmerosja

Leave a Reply

Your email address will not be published. Required fields are marked *