តាមពិតសាច់​កណ្ដុរ​ត្រូវបាន ឲ្យ​តម្លៃថាជា​ម្ហូប​ស៊ុបយិនសិនតម្លៃថ្លៃជាងសាច់​មាន់ និង​ជ្រូកទៅទៀតព្រោះ…

ឥណ្ឌា: កណ្ដុរ​ទើប​ចាប់បានថ្មីៗ គឺជា​មុខម្ហូប​វិស្សមកាល​កំពូល​សម្រាប់​មហាជន​ដែល​នាំគ្នា​សម្រុក​ចូល​ទិញ​នៅ​ក្នុង​ផ្សារ​នៅ​ភាគ​ឦសាន​ប្រទេស​ឥណ្ឌា ដែល​ពេញ​និយម​ទទួល​ទាន​សាច់​កណ្ដុរ​ក្នុង​ស្រុក។មិន​ថា​ស្រុសទឹកក្ដៅ ពន្លាត់ស្បែក និង​ចម្អិន​ក្នុង​ទឹក​ស៊ុបហឹរ កណ្ដុរ​មាន​ប្រជាប្រិយ​ភាព​ខ្លាំង​ជាង​មាន់ និង​សាច់​ជ្រូក​ដោយ​អតិថិជន​នៅ​ផ្សារ​ថ្ងៃ​អាទិត្យ ក្នុង​ភូមិ​គូម៉ារី​កាតា នៃ​រដ្ឋ​អាស​សាម។អ្នកដើរ​ផ្សារ​បាន​ទិញ​កណ្ដុរ​ទើប​ចាប់ និង​ពន្លាត់ស្បែកថ្មីៗ​រាប់រយ​ក្បាល ដែល​កសិករ​ក្នុង​ភូមិ​បាន​និយាយ​ថា វា​ត្រូវ​បាន​ប្រមាញ់​ពី​ស្រែ​ដើម្បី​កុំ​ឲ្យ​បំផ្លាញ​ដំណាំ​ស្រូវ​នៅ​ក្នុង​រដ្ឋ ដែល​ជាប់​នឹង​ប្រទេស​ប៊ូតង់។

កណ្ដុរ​អាំង​ឆ្អើរ​ឆ្អិន​ស្រាប់​ក៏​ពេញ​និយម​ផង​ដែរ។នៅក្នុង​រដូវរងា ពេល​ផុត​រដូវ​បេះ​ស្លឹក​តែ ពលរដ្ឋ​អម្បូរ អា​ឌីវ៉ា​ស៊ី​ស បាននាំគ្នា​ចុះ​វាល​ស្រែ​ដើម្បី​ដាក់​អន្ទាក់​ចាប់​កណ្ដុរ​លក់​នៅ​ផ្សារ។ សាច់​កណ្ដុរ ១ គីឡូក្រាម ដែល​ត្រូវ​បាន​ចាត់​ទុក​ជា​អាហារ​ដ៏​ឈ្ងុយ​ឆ្ងាញ់ លក់​ក្នុង​តម្លៃ​ប្រមាណ ២០០ រូពី (២,៨ ដុល្លារ) ស្មើ​នឹង​សាច់​មាន់ និង​ជ្រូក​ដែរ។

សាម​បា សូ​រ៉េ​ន ជា​អាជីវករ​លក់​កណ្ដុរ ក្នុងភូមិ​គូ​ម៉ា​រី​កាតា បាន​ប្រាប់អ្នកសារព័ត៌មាន ថា៖ «យើង​បាន​ដាក់​អន្ទាក់​ក្នុង​វាល​ស្រែ ខណៈ​ហ្វូង​កណ្ដុរ​នាំគ្នា​មក​ស៊ី​សន្ទូង​ពលរដ្ឋ»។គួរ​បញ្ជាក់ថា កណ្ដុរ​ខ្លះ​មាន​ទម្ងន់​ជាង ១ គីឡូក្រាម​ក្នុង​មួយ​ក្បាល ដែល​ឈ្មួញ​លក់​នៅ​ផ្សារ បាន​និយាយ​ថា ពួកគេ​អាច​ចាប់​សត្វ​កណ្ដុរ​ស្រូវ​បាន​ពី ១០ ទៅ ២០ គីឡូក្រាម​ក្នុង ១ រាត្រី។

ប្រភព៖ sakkarach

Leave a Reply

Your email address will not be published. Required fields are marked *