បើមិនចង់ឲ្យរាសីដាក់អស់១ជីវិតនោះទេ ត្រូវហាមដាច់ខាតដាក់អាសនៈព្រះ នៅទីតាំងទាំង៥ កន្លែងនេះ…
បើតាមជំនឿនៃការរៀបចំនូវអាសនៈនៅក្នុងផ្ទះ គឺពិតជាមានសារ:សំខាន់ខ្លាំងណាស់ ដើម្បីឲ្យគ្រួសារមានសេចក្តីសុខ និងរកសុីមានបាន ចំណែកឯមនុស្សមួយចំនួនក៏មិនជឿទៅលើរឿងនេះផងដែរ តែប្រសិនជាមិនជឿក៏គួរកុំប្រមាថនោះដែរ។ នេះបើយោងតាមគ្រូចិនសែមួយបានលើកឡើងពីរបៀបរៀបអាសនៈយ៉ាងដូច្នេះថា:
១- ហាមយកអាសន:ទៅរៀបនៅលើជញ្ជាំងបន្ទប់ទឹកឬបង្គន់ជាដាច់ខាត ព្រោះធាតុទឹកអាចពន្លត់ធាតុភ្លើងនៃវត្ថុស័ក្ដិសិទ្ធិរបស់អាសន:បាន។
២- ហាមរៀបនៅមុខទ្វារចូល ព្រោះទ្វារជាកន្លែងដែលហូលចូលនូវទ្រព្យសម្បត្តិ បើព្រះនៅចំពីមុខទ្វារ អាចនឹងមានការប្រឆាំងគ្នា ហើយទ្រព្យសម្បត្តិមិនហានចូលនោះទេ។
៣- ហាមដាក់នៅលើធ្នឹមដែលមានស្មាមឆ្កូត ព្រោះអាចបណ្តាលឲ្យវត្ថុស័ក្ដិសិទ្ធិហៀរចេញនូវថាមពលផងដែរ។
៤- ហាមដាក់ក្នុងបន្ទប់ដេក ព្រោះបើដាក់នៅទីនោះ មានន័យថាមើលងាយចំពោះព្រះហើយ។
៥- ហាមព្យួរអាសនៈព្រះពីធ្នឹមផ្ទះ ព្រោះអាចធ្វើឲ្យមានការយោលៗ មានន័យថា អត់មានស្ថេរភាព ហើយព្រះក៏មិនហ៊ាននៅដែរ។
