អុញ ឪពុករបស់លោក បូរ វិចិត្រ ពុំបានដឹងថាលោកធ្លាក់ខ្លួនដុនដាបបែបនេះសោះ ដោយប្អូនស្រី លោក បូរ វិចិត្រ បានរៀបរាប់អំពីបញ្ហាគ្រួសារថា

កាលពី​ម្សិលមិញ​នេះ​ អ្នកនិយមប្រេីប្រាស់​បណ្តាញ​សង្គម​ហ្វេសប៊ុក​ បានមានការ​ភ្ញាក់ផ្អើល​ជាខ្លាំង​ ខណៈដែល​លោក បូ វិចិត្រ ម្ចាស់បទ “ប៊ិះស៊យ​“ ដែលក្នុង​អំឡុង​កាលពីជាង ១០ឆ្នាំមុននោះ បទចម្រៀងរបស់លោក ពិតជាមានភាពពេញនិយម និងទទួលបាននូវការ​គាំទ្រ​ជាខ្លាំង សម្រាប់មិត្ដៗយុវវ័យ នៅជំនាន់នោះ​ បែរ​ជា​ធ្លាក់​ខ្លួន​ មកជា​អ្នក​អាយ៉ែឡាន​អោយគេទៅវិញ។


ក្រោយ​ពី​មានការ​ផ្ទុះ​កក្រើក​ឡេីង​ ចំពោះ​វត្តមាន​របស់​តារា​រូប​នេះ​រួចមក​ លោក ហេង ឡុង ក៏បានប្រកាស​ស្វែងរក​លោក​ បូ​ វិចិត្រ​ រហូត​រកគាត់ឃេីញ​ និងបាននាំ​យកមក​ធ្វើ​កិច្ច​សម្ភាសន៍​ជាមួយ​អ្នក​នាង​ ចន​ ច័ន្ទលក្ខិណា​ ទេីប​ដឹងថា​ គាត់មានបញ្ហាបាត់ការចងចាំ​ និងមិនប្រក្រតី។ ក្នុង​នោះដែរ​ សមាគមសិល្បករ នឹងព្យាយាមជួយព្យាបាលគាត់​ និងតាមដានពីជីវភាពប្រចាំថ្ងៃរបស់គាត់ផងដែរ។

ជាមួយ​គ្នា​នេះ​ដែរ​ ប្អូនស្រី​លោក​ បូ​ វិចិត្រ​ ដែល​មាន​គណនី​ហ្វេសប៊ុក​ឈ្មោះ​ Bo Panha ក៏បានមាន​ការ​លេីកឡេីង​ថា៖​ «នាងខ្ញុំប្អូនស្រី លោក បូរ វិចិត្រ ខ្ញុំសុំសំណូមពរ សុំអង្វរបងប្អូនក្នុងបណ្តាញហ្វេសបុក និងបណ្តាព័ត៌មានទាំងអស់ ដែលផ្សព្វផ្សាយព័ត៍មានមួយចំនួន​ ដែលដាក់បន្ទុក ហេីយក៏សូមអរគុណដល់បងៗ


ដែលបានជួយរកជំនួយដល់គ្រួសារនាងខ្ញុំ បងៗអត់បានដឹងទេថា ប៉ាខ្ញុំមានជំងឺប្រចាំកាយ លេីសឈាម ទឹកនោមផ្អែម និងជំងឺបេះដូង ប៉ាអត់បានដឹងទេថា បងគាត់ធ្លាក់ក្នុងស្ថានការបែបនេះទេ បងគាត់ដឹងថា ម៉ាក់រ៉ាប់រងច្រេីនមិនចង់អោយអ្នកផ្ទះគិតពីគាត់ ខ្ញុំដឹងថាបងរងសំពាធច្រេីន និងមានកត្តាមួយចំនួនធ្វេីអោយបងស្ថិតក្នុងស្ថានភាពបែបនេះ

មេត្តាបងៗទាំងអស់កុំផ្សព្វផ្សាយព័ត៌មានណាមួយ​ ដែលធ្វើអោយប៉ះពាល់ដល់ស្ថានភាពជំងឺលោកប៉ាខ្ញុំ ព្រោះដោយសារប៉ាបានទទួលព័ត៌មានទាក់ទងនឹងបងខ្ញុំកាលពីយប់មិញ បានធ្វើអោយប៉ះពាល់​ ដល់ស្ថានភាពជំងឺប៉ាខ្ញុំ ធ្វើអោយគាត់យំខ្លាំង គេងមិនបាន បេះដូងធ្វើទុក ឈាមក៏ឡើងទៀត សុំទោស បងៗប្រសិនបេីទាក់ទងនាងខ្ញុំមិនបាន ទាន់ពេលវេលា

ព្រោះជាប់មេីលប៉ា នឹងទប់ស្កាត់មិនចង់អោយប៉ាដឹង ខ្លាចគាត់គិត ម៉ាក់ជាជំហរគ្រួសារ ក៏ពិបាកចិត្តដែរ សុំចិត្តបងៗផង សូមបងៗមួយចំនួនតូចកុំបន្ថែមព័ត៍មាន​ ដែលនាំអោយមានបញ្ហាជាងនេះ ខ្ញុំសុំចិត្តណាបង។ អរគុណដោយក្តីស្រលាញ់​ និងគោរពចំពោះបងៗ​ ដែលខិតខំជួយដោយក្តីអាណិតនិងស្រលាញ់»។

ប្រភព៖ vdoamazing

Leave a Reply

Your email address will not be published. Required fields are marked *