នេះហើយលទ្ធផលអួតអាង តាំងខ្លួនជាសេដ្ឋី ប្រើសុទ្ធតែរបស់ប្រេនៗ ចុងក្រោយរលាយអស់ដោយសារតែ…
មនុស្សយើងម្នាក់ៗមិនអាចមើលឃើញទៅថ្ងៃមុខបានទេថានឹងមានអ្វីកើតឡើងចំពោះយើងនោះ ដូចនេះយើងត្រូវតែចេះរៀបចំខ្លួនដូចជាការចេះទុកដាក់លុយ ឬក៏សន្សំលុយទុកដើម្បីត្រៀមទៅថ្ងៃមុខ ព្រោះថាលុយមិនម៉ែនស្រួលរកនោះទេ តែបើចាយវិញគឺងាយខ្លាំងណាស់។ ដោយឡែកនៅក្នុងសង្គមបច្ចុប្បន្ននេះវិញ មនុស្សមួយចំនួនមានការសប្បាយរីករាយជ្រុល ដែលរាល់លុយដែលរកបានទាំងហត់ យកទៅចាយវាយគ្មានគិត និងមិនដែលសល់ទាល់តែសោះ ដល់តែពេលមានបញ្ហា ឬក៏មានជំងឺអ្វីមួយនោះ គឺគ្មានលុយមកដោះស្រាយនោះទេ។
ជាក់ស្តែងប្តីប្រពន្ធទាំង២នេះ នៅពេលដែលខ្លួនកំពុងតែរកលុយបានបំផុតនោះ បានធ្វើចឹកក្អេងក្អាង តាំងខ្លួនឯងដូចជាសេដ្ឋីយ៉ាងចឹង បើនិយាយពីរបស់របរសុទ្ធតែជារបស់ប្រេនៗ ហើយឡានវិញទំនើបកប់តែម្តង លុយចាយមិនដែលស្តាយ រកបានប៉ុណ្ណាចាយប៉ុណ្ណឹងគ្មានគិតទាល់តែសោះ ហើយអ្វីដែលអស្ចារ្យ នោះគឹថតបង្អួតដាក់ហ្វេសបុកទៀតផង។
ដល់តែពេលចុងក្រោយប្រពន្ធធ្លាក់ខ្លួន សូម្បីតែលុយមើលជំងឺក៏គ្មានផង នេះមកពីចាយវាយមិនចេះគិត។ បុរសជាប្តីក៏បានផ្តាំទៅមនុស្សមួយចំនួនផងដែរថា ប្រសិនជាពេលដែលយើងរកលុយបាន គួរតែចេះទុកសន្សំខ្លះ ហើយយកទៅធ្វើអ្វីដែលមានប្រយោជន៍ទៅថ្ងៃមុខ កុំឲ្យដូចគាត់ពីមនុស្សដែលហុឺហា ចុងក្រោយធ្លាក់ខ្លួនយ៉ាងវេទនាបែបនេះ ទោះជាស្តាយក្រោយក៏មិនអាចត្រលប់មកក្រោយវិញបានដែរ។
