កំសត់ណាស់!!! ប្តីមានស្រីថ្មី​ សុំប្រពន្ធលែង​ សូម្បី​កូនប្រុស​តែមួយក៏សុខចិត្តទៅនៅជាមួយឪពុកដែរ​ ដោយសារតែ…

ប្តីប្រពន្ធ​មួយគូរ​ រស់នៅឯជនបទ​ និងមានជីវភាពក្រខ្សត់លំបាកណាស់​ ប្តី​ក៏បាន​សម្រេចចិត្ត​សុំប្រពន្ធទៅធ្វើការនៅឯទីក្រុង​ ដោយសារតែខ្វះខាតជាខ្លាំង​ ទើប​ប្រពន្ធក៏បានយល់ព្រមតាមប្តី​ ដោយសុខចិត្តរស់នៅជាមួយកូនប្រុសតែម្នាក់​ និងប្រកបរបរលក់​ផ្លែឈើ​បន្តិចបន្តួច​។ ដំបូងឡើយនៅពេលដែលបុរសនោះបានទៅដល់ទីក្រុង​ ក៏តែងតែ​ឆ្លៀតពេល​ទូរស័ព្ទ​មក​ប្រពន្ធ​របស់ខ្លួន​ក្នុង​១ថ្ងៃ​ ពីរ​ ទៅបីដង ​រួមទាំងផ្ញើរ​លុយជារៀងរាល់ខែផងដែរ។

 

ប្រហែលជាបាន១ឆ្នាំក្រោយ​មក​ ប្តីក៏មិនសូវបាន​ទូរស័ព្ទ​មកប្រពន្ធដូចសព្វដងកាលពីដំបូងនោះឡើយ​ សូម្បី​តែការ​ផ្ញើរ​លុយ​ក៏​តែងតែ​យឺតទៅៗ​ រហូតដល់បាត់ដំណឹងឈឹងតែម្តង​ ស្របពេលនោះ​ ប្រពន្ធ​ក៏​លក់ផ្លែឈើមិនសូវជាដាច់ទៀត​ អារម្មណ៍​ពេលនោះ​ ប្រពន្ធ​ពិតជាពិបាកខ្លាំងណាស់​។ ប្រហែលជា៣ឆ្នាំក្រោយមក​ បុរសជាប្តីក៏បានលេចមុខនៅផ្ទះប្រពន្ធរបស់ខ្លួន​ រួមជាមួយនិង​ឡានដ៏ទំនើប​ ប្រពន្ធ​ក្រោយ​ពីបានឃើញមុខប្តីដោយមិនបានដឹងនៅដំណឹងជាមុននោះ​ គឺនាងហាក់បីជា​ភ្ញាក់ផ្អើល​ខ្លាំងណាស់​។

តែអ្វីដែល​ប្រពន្ធ​នឹកស្មានមិនដល់នោះ​ គឺប្តីមកនេះដើម្បី​សុំប្រពន្ធលែងលះ​ ហើយថែមទាំងនិយាយទៅកាន់ប្រពន្ធថា​ បងលែង​ស្រលាញ់​អូនទៀតហើយ​ បងគ្មានអាម្មណ៏ជាអូនទៀតទេ​ ប្រពន្ធ​លឺដូចនេះក៏បានស្រែកយំយ៉ាងខ្លាំង​ ហើយនិយាយទៅកាន់ប្តីវិញថា​ ហេតុអ្វី​បងធ្វើបែបនេះ​ បងមិនសមជាមនុស្សប្រុសោះទេ​ ចុះកូនប្រុសយើងវិញ​ តើឲ្យគ្នាទទួលបានយ៉ាងម៉េចទៅ​ ប្តី​ក៏បានឆ្លើយតបទៅប្រពន្ធវិញថា​ ចំពោះកូន​ គាត់ចង់រស់នៅជាមួយនរណាក៏បាន​ បើមកនៅជាមួយបង​ បងក៏ទទួល​ ចំណែកឯប្រពន្ធវិញបានគិតក្នុងចិត្តថា​ កូនប្រុសដែលតែងតែនៅជិតខ្លួន​ ប្រាកដ​ជានៅជាមួយខ្លួនហើយ។

ក្រោយ​មកប្តី​ប្រពន្ធ​២នាក់នោះ​ ក៏បានសួរនាំទៅកាន់កូនប្រុសនោះ​ កូនប្រុស​នោះបានឆ្លើយថា​ ខ្ញុំចង់ទៅរស់នៅជាមួយឪពុក​ ព្រោះ​តែឪពុកគាត់មានលុយ​ អាចទិញនូវអ្វីៗឲ្យខ្ញុំបាន​ ចំណែកឯម្តាយវិញ​ តែងតែ​រករឿងខ្ញុំស្ទើររាល់ថ្ងៃ​ ខ្ញុំពិតជាធុញណាស់​ ហើយណាមួយគាត់គ្មាន​លទ្ធភាព​ក្នុងការទិញនូវអ្វីៗដែលខ្ញុំចង់បាននោះទេ​ ស្តាប់កូននិយាយចប់​ ម្តាយយំស្ទើបោកខ្លួន​ ដែលនឹកគិតមិនដល់ថា​ កូនដែលរួមសុខទុក្ខជាមួយម្តាយ​ បែរជាទៅជ្រើសរើសឪពុកដែលគ្មាន​ទំនួល​ខុសត្រូវ​បែបនេះ​ទៅវិញ​។

ក្រោយ​ពីកាត់សេចក្តីនៅតុលាការ​ កូនប្រុស​នោះនៅតែនិយាយពាក្យដដែលបែបនេះប្រាប់ទៅតុលាការ​ ហើយម្តាយក៏យំជាខ្លាំង។ នៅពេលដែលពួកគេទាំង២នាក់រៀបនឹងចាកចេញ​ដំណើរ​ កូនប្រុស​នោះក៏បាននិយាយប្រាប់ឪពុកពីមុខម្តាយថា​ ប៉ាឆាប់ចេញឡានទៅ​ ខ្ញុំមិនចង់ឃើញមុខគាត់ទៀតទេ​ មួយម៉ាត់​នេះធ្វើឲ្យ​ម្តាយស្ទើតែចង់សម្លាប់ខ្លួន​ ព្រោះ​អ្នកដែលនៅជិតនិងមានតម្លៃបំផុត​របស់នាង​ បែរជាអាចធ្វើរឿងបែបនេះទៅវិញ​ តែដោយសារមានកូនចិត្តមួយបានបង្អាក់នាង​ ទើបនាងក៏បានតាំងចិត្តរស់នៅបន្តទៀត។

រយៈ​ពេលប៉ុន្មានឆ្នាំក្រោយមកទៀត​ នាងក៏ទទួលបានសែកមួយ​ ដែលមានទឹកប្រាក់១ពាន់ដុល្លា​ បានផ្ញើរមកកាន់នាង​ ហើយបានសរសេរថា​ I Love U​ ពេលនោះនាងក៏មានការងើង​ឆ្ងល់ជាខ្លាំង​ ហើយមិនហ៊ានទទួលយកនោះតេ​ គ្រាន់តែរក្សាទុកសិន​ មិនបាន​ប៉ុន្មានផង​ ក៏មានសែកមកជាបន្តបន្ទាប់ទៀតផ្ញើរមកកាន់នាង​ ហើយក៏មានសំបុត្រមួយបានសរសេរថា​ “ម៉ាក់ សុខ​សប្បាយ​ជា​ទេ? ​កូន​ដឹង​​ថា ម៉ាក់​ស្រលាញ់​កូនខ្លាំងណាស់ ​ហើយ​ម៉ាក់ក៏​ប្រហែល​​ជា​កំពុងតែ​ទុក្ខ​ជា​ច្រើន​ហើយ​ ​ចាប់​តាំង​ពី​កូន​បានចាក​ចេញ​ពី​ម៉ាក់​មក។

កូន​ស្រលាញ់​ម៉ាក់ កូន​តែងតែនឹក​ម៉ាក់​​ជាខ្លាំង​។ ​ម៉ាក់​ដឹង​ទេ​ហេតុ​ផល​ពិត​ ​ដែល​កូន​បា​នសំរេចចិត្តទៅ​រស់​នៅ​ជាមួយ​ប៉ា​ ក៏ព្រោះ​តែ​កូន​ចង់​ជួយ​ម៉ាក់​ ដើម្បី​ឲ្យ​រួច​ផុត​ពី​ភាព​ក្រី​ក្រ។ ​ប៉ា​តែង​តែ​ឲ្យ​ប្រាក់​មកកូនច្រើន​ៗ ហើយ​កូន​ក៏បានគិត​ថា ​កូន​នឹង​ផ្ញើរ​ប្រាក់​ទាំង​នោះ​ ឲ្យ​ទៅម៉ាក់​ខ្លះ ដើម្បី​កុំ​ឲ្យ​ម៉ាក់​ ​ទៅ​អង្គុយ​លក់​ផ្លែ​ឈើ​ នៅ​ឯផ្សារ​បន្ត​ទៀត។ សូម​ម៉ាក់​ថែ​រក្សា​សុខភាពខ្លួន​ផង​! សូមកុំ​បារម្ភ​ពី​​កូន​អី ​កូន​នឹង​វិល​ទៅ​រក​ម៉ាក់​វិញនៅ​ថ្ងៃ​មួយ​។ ​ម៉ាក់​នៅ​តែ​ជា​ម៉ាក់​ល្អរបស់​កូន ​កូន​សន្យា​ថានឹង​មិន​ចាក​ចេញ​ពី​ម៉ាក់​ម្ដង​ទៀត​នោះទេ។ ​កូន​នឹង​ទៅ​យក​ម៉ាក់​ មក​រស់​នៅ​ជាមួយ​កូន ​ពេល​ដែលកូន​ធំ​ដឹង​ក្ដី ហើយរៀន​ចប់​និងមាន​ជំនាញ​ច្បាស់​លាស់​មួយ”។

Leave a Reply

Your email address will not be published. Required fields are marked *