ថ្លៃញាក់សាច់! កុំឃើញមួកចឹងថាតំលៃថោកចុះ មួកប្រភេទនេះ គឺមានតម្លៃរហូតដល់ទៅ…
បងប្អូន ប្រិយមិត្ត ប្រាកដជាបានស្គាល់ច្បាស់រួចមកហេីយអំពីមួកប្រភេទនេះ ដែលយេីងសង្កេតឃេីញថា ភាគច្រើន មួកប្រភេទនេះ ត្រូវបានដាក់លក់នៅឯតំបន់ទេសចរណ៍ ដូចជានៅខេត្តសៀមរាប ក្នុងតំបន់ប្រាសាទអង្គរ ដែលសំបូរទៅដោយភ្ញៀវទេសចរណ៍ជាតិ និងអន្តរជាតិទៅកម្សាន្តនៅទីនោះ។
មួយវិញទៀតនោះ ចំពោះមួកប្រភេទនេះ យេីងតែងតែឃេីញអ្នកធ្វេីចំការ បានប្រេីប្រាស់វា ដេីម្បីការពារកំដៅថ្ងៃ ព្រោះវាអាចមានលទ្ធភាពក្នុងការការពារពន្លឺព្រះអាទិត្យបានយ៉ាងល្អ ដោយវាមានស្លាបការពារជុំវិញ ជាពិសេសនោះ ចំពោះតម្លៃរបស់វា ក៏មិនមានតម្លៃថ្លៃនោះឡេីយ។
ដោយឡែក អ្វីដែលនឹកស្មានមិនដល់ និងគួរឲ្យហួសចិត្ត ក៏ដូចជាមានការភ្ញាក់ផ្អើលជាខ្លាំងនោះ ព្រោះតែមួកប្រភេទនេះ ត្រូវក្រុមហ៊ុនដែលមានម៉ាកឈ្មោះ Gucci ដ៏ល្បីល្បាញទូទាំងពិភពលោក បានជ្រេីសយកមួក ដែលមានរូបរាងស្រដៀងនឹងគ្នានេះ មកធ្វេីជាផលិតផលរបស់ខ្លួន។
បើតាមរយៈ វិបសាយ Tvpool របស់ប្រទេសថៃ បានបញ្ជាក់ពីតម្លៃរបស់មួកប្រភេទនេះ ដែលក្រុមហ៊ុន Gucci បានធ្វេីការបង្ហាញម៉ូដក្នុងកម្មវិធី “Gucci Cruise 2019”ឲ្យដឹងថា វាមាតម្លៃដល់ទៅ ១៤ ៤០០ បាតស្មេីនឹង ៤៥០ដុល្លារសហរដ្ឋអាមេរិក ដែលពិតជាតម្លៃមួយនឹកស្មានមិនដល់ទាល់តែសោះ។
