ស្អាតអស់ទាស់! រោងមង្គលការ បែបបុរាណ រចនាបទជាមួយស្លឹកដូងខ្មែរក្រោម មានអត្ថប្រយោជន៌ច្រើនយ៉ាង និងអាចយកមក…(មានរូបភាព)
កាលពីពេលថ្មីៗនេះ រោងពិធីមង្គការមួយ ត្រូវបានមជ្ឈដ្ឋានជាច្រេីន ជាពិសេសអ្នកប្រើប្រាស់បណ្ដាញសង្គមហ្វេសបុក បានមានការចាប់អារម្មណ៍ជាខ្លាំង ជាមួយនឹងការតុបតែងបែបសាមញ្ញ លក្ខណៈបុរាណ តែស្រស់ស្អាតប្លែក ដោយលំអជាស្លឹកដូង ទទួលបាននូវភាពទាក់ទាញជាខ្លាំងតែម្តង។
បេីយោងតាមរយៈគណនីហ្វេសប៊ុកឈ្មោះ Pov Sopheak បានមានការលេីកឡេីងថា «ស្លឹកដូងខ្មែរក្រោម មានអត្ថប្រយោជន៌ច្រើនយ៉ាង និងអាចយកមកឆ្នៃជាសម្ភារៈប្រើប្រាស់ស្អាតៗ ដូចជាយកមកតាក់តែងជាក្លោងទ្វារ រោងការ រោងបុណ្យ រឺរោងផ្សេងៗជាដើមបានយ៉ាងស្រស់ស្អាតផងដែរ» ។
សូមជម្រាបផងដែរថា ចំពោះការតុបតែងរោងមង្គលការប្រភេទនេះ គឺមិនសូវជាមាននោះទេ ក៏ព្រោះតែសម័យបច្ចុប្បន្ននេះ គឺមានការរៀបចំយ៉ាងប្រណិត ជាមួយផ្កាស្រស់ ឬក៏ផ្កាជ័រ អមជាមួយក្បូរក្បាច់រៀបចំ ជាច្រើនម៉ូដ និងមានតម្លៃផ្សេងៗគ្នា ទៅតាមការកំណត់របស់ម្ចាស់រៀបចំកម្មវិធីដ៏មង្គលនេះ។
ដោយឡែក ចំពោះការរៀបចំបែបនេះ មិនត្រឹមតែចំណាយអស់ថវិកាតិចនោះទេ ថែមទាំងទទួលបាននូវភាពស្រស់ស្អាត គួរឲ្យចង់គយគន់ ដែលពិតជាកម្របានឃេីញណាស់ និងទទួលបាននូវចំណាប់អារម្មណ៍ពីមជ្ឈដ្ឋានទូទៅទៀតផង។ ដេីម្បីជ្រាបច្បាស់ សូមប្រិយមិត្តរីករាយទស្សនាដូចតទៅ។
