ព្រឺ​រោមខ្ញាក! ថត​បាន​ច្បាស់​ៗ ពស់​យក្ស​លេប​សត្វ​ព្រៃ​ទាំង​មូល គួរ​ឱ្យ​ខ្លាច អ្នកស្រុករត់ជាន់ជើងគ្នា…

ពស់​​​មាន​​​ច្រើន​​​ប្រភេទ​​​ណាស់​​​នៅ​​​លើ​​​ផែន​​​ដី​​​នេះ ហើយ​​​ពស់​​​ខ្លះ​​​មាន​​​ពិស ឯ​​​ពស់​​​ខ្លះ​​​ទៀត​​​មិន​​​បង្ក​​​គ្រោះ​​​ថ្នាក់​​​ដល់​​​មនុស្ស​​​ទេ​។ ចំណែក​​​ពស់​​​ថ្លា​ន់​​​យក្ស ដែល​​​ភាសា​​​បរទេស​​​ហៅ​​​ថា Giant Anaconda ត្រូវ​​​គេ​​​ចាត់​​​ទុក​​​ថា​​​ជា​​​ពូជ​​​ពស់​​​ធំ​​​បំផុត​​​លើ​​​ផែន​​​ដី​​​សព្វ​​​ថ្ងៃ និង​​​ប្រសិទ្ធិនាម​​​ថា​​​ជា​​​អធិរាជ​​​គ្មាន​​​ជើង ដោយ​​​សារ​​​តែ​​​កម្លាំង​​​រឹត​​​ដ៏​​​ខ្លាំង​​​ក្លា​​​របស់​​​វា ខុស​​​ពី​​​ពស់​​​វែក​​​គ្រោះ​​​ថ្នាក់​​​ព្រោះ​​​ពិស​។ ពូជ​​​ថ្លា​ន់ Giant Anaconda អាច​​​មាន​​​ប្រវែង​​​ខ្លួន​​​ដល់​​​ទៅ ៩​​ម៉ែត្រ និង​​​ទ​ម្ងន់​​​ខ្លួន​​​ជាង ២០០​​គីឡូក្រាម​។​

របាយការណ៍​​​ជាក់​​​ស្ដែង​​​នៃ​​​ទ​ម្ងន់​​​ខ្លួន​​​ម​ធ្យ​ម​​​របស់​​​ថ្លា​ន់​​​យក្ស នៅ​​​តែ​​​មិន​​​ទាន់​​​មាន​​​ការ​​​ឯកភាព​​​គ្នា​​​ទាំង​​​ស្រុង​​​ក្នុង​​​ចំណោម​​​អ្នក​​​ស្រាវជ្រាវ​។ យ៉ាង​​​ណា​​​ក្ដី មាន​​​ឯកសារ​​​ខ្លះ​​​អះអាង​​​ថា ជា​​​ម​ធ្យ​ម​​​ថ្លា​ន់​​​យក្ស​​​មាន​​​ប្រវែង​​​ជាង ៥​​ម៉ែត្រ និង​​​ទ​ម្ងន់​​​ប្រហែល ៩៧​​គីឡូក្រាម​។ នេះ​​​ជា​​​ប្រវែង និង​​​ទ​ម្ងន់​​​ខ្លួន​​​ម​ធ្យ​ម​​​របស់​​​ថ្លា​ន់​​​យក្ស ពេល​​​ពេញ​​​វ័យ ប៉ុន្តែ​​​ថ្លា​ន់​​​យក្ស​​​មួយ​​​ចំនួន​​​តូច អាច​​​លូត​​​ប្រវែង​​​ដល់​​​ទៅ​​​ជិត ១០​ម៉ែត្រ និង​​​ទ​ម្ងន់​​​ជាង ២០០​​គីឡូក្រាម​​​ឯ​​​ណោះ​។​

មាន​​​ឯកសារ​​​មួយ​​​ចំនួន បាន​​​កត់​​​ត្រា​​​ថា នៅ​​​​ព្រៃ​​​ក្រាស់​​​នៃ​​​ទ្វីប​​​អាមេរិក​​​ខាង​​​ត្បូង ធ្លាប់​​​មាន​​​អ្នក​​​ប្រទះ​​​ឃើញ​​​ថ្លា​ន់​​​យក្ស​​​ដែល​​​មាន​​​ប្រវែង​​​ខ្លួន​​​រហូត​​​ដល់ ១៨​​ម៉ែត្រ ប៉ុន្តែ​​​មិន​​​មាន​​​រូប​​​ភាព​​​ជាក់​​​លាក់​​​ឡើយ​។ ដូច​​​នេះ​​​ហើយ ទើប​​​ការ​​​អះ​​​អាង​​​នោះ​​​ត្រូវ​​​បាន​​​ក្រុម​​​អ្នក​​​ស្រាវជ្រាវ​​​ច្រាន​​​ចោល ព្រោះ​​​បច្ចុប្បន្ន​​​មិន​​​ទាន់​​​មាន​​​ភស្តុតាង​​​ណា ដែល​​​បញ្ជាក់​​​ថា មាន​​​ថ្លា​ន់​​​ប្រវែង​​​លើស​​​ពី ១០​​ម៉ែត្រ​​​ឡើយ ទោះ​​​បី​​​ក្រុម​​​អ្នក​​​ស្រាវជ្រាវ​​​ប្រឹង​​​មុជ​​​ចូល​​​ព្រៃ​​​ជ្រៅ​​​ក្ដី​។

ចំណែក​​​អ្នក​​​វិទ្យាសាស្ត្រ​​​ម្នាក់​​​ឈ្មោះ Vicent Roth បាន​​​អះ​​​អាង​​​ថា ធ្លាប់​​​បាញ់​​​សម្លាប់​​​ថ្លា​ន់​​​មួយ​​​ក្បាល​​​នៅ​​​ក្នុង​​​ព្រៃ ដែល​​​មាន​​​ប្រវែង ១០,៣​​ម៉ែត្រ ប៉ុន្តែ​​​ដូច​​​ការ​​​អះ​​​អាង​​​មុន​​​ៗ​​​ដែរ គឺ​​​ពុំ​​​មាន​​​ភស្តុតាង​​​បញ្ជាក់​​​នោះ​​​ទេ​។ ក្រោយ​​​មក ក៏​​​មាន​​​អ្នក​​​ដើរ​​​ផ្សង​​​ព្រេង​​​ក្នុង​​​ព្រៃ​​​ជន​​​ជាតិ​​​អង់គ្លេស​​​ម្នាក់​​​ទៀត ឈ្មោះ Percy Fawcett បាន​​​ប្រកាស​​​ថា​​​ធ្លាប់​​​ឃើញ​​​ថ្លា​ន់​​​ប្រវែង​​​ពី​​​ច្រមុះ​​​ដល់​​​កន្ទុយ ១៩​​ម៉ែត្រ ប៉ុន្តែ​​​គ្មាន​​​ភស្តុតាង​​​ដូច​​​គ្នា ហើយ​​​ក៏​​​គ្មាន​​​ន​រណា​​​ជឿ​​​លើ​​​ការ​​​អះ​​​អាង​​​នោះ​​​ដែរ​។​

ថ្លា​ន់​​​យក្ស ភាគ​​​ច្រើន​​​រស់​​​នៅ​​​ក្នុង​​​ព្រៃ​​​ជ្រៅ នៃ​​​តំបន់​​​អាមេរិក​​​ខាង​​​ត្បូង ប៉ុន្តែ​​​នៅ​​​អាស៊ី​​​ក៏​​​មាន​​​ដែរ គ្រាន់​​​តែ​​​មិន​​​សូវ​​​ធំ​​​ខ្លាំង​។ អធិរាជ​​​គ្មាន​​​ជើង​​​នេះ តែង​​​ប្រើ​​​កម្លាំង​​​របស់​​​វា រឹត​​​សត្វ​​​នានា​​​រហូត​​​ដល់​​​បាក់​​​ឆ្អឹង​​​ខ្ទេច និង​​​ដាច់​​​ដង្ហើម ទើប​​​លេប​​​ទាំង​​​មូល​​​ធ្វើ​​​ជា​​​ចំណី​។ ពេល​​​រំលាយ​​​ចំណី​​​នោះ​​​អស់​​​ពី​​​ក្នុង​​​ពស់ ទើប​​​វា​​​ចាប់​​​ផ្ដើម​​​ចេញ​​​ប្រមាញ់​​​ម្ដង​​​ទៀត​។ ថ្លា​ន់​​​យក្ស អាច​​​លេប​​​មនុស្ស​​​ទាំង​​​មូល​​​បាន ប្រសិន​​​បើ​​​វា​​​ធំ​​​ដល់​​​កម្រិត​។​

​
​
ប្រភព៖ cambodiapluz