ផ្អើលពេញប្រទេស!!! ក្រុមអ្នកនេសាទនេសាទបានត្រីយក្ស ទំងន់ជាង១តោន….

កាសែតក្នុងស្រុករបស់រុស្ស៊ី បានចុះផ្សាយពីហេតុការណ៍ ដែលប្រជានេសាទជនជាតិរុស្ស៊ី ដែលរស់នៅលើកោះ សាខាទ្យិន របស់រុស្ស៊ី ចាប់បានត្រីឡូម៉ា ឬហៅម្យ៉ាងទៀតថា “ត្រីព្រះច័ន្ទ” ដែលមានទំហំធំខុសពីធម្មតា និងមានមុខមាត់គួរឲ្យខ្លាច ។

ត្រីប្រភេទនេះមានឆ្អឹងរឹងមាំខ្លាំង និងទំហំធំ ដែលគេមិនងាយនិងបាន ជួបប្រទះនោះឡើយ ហើយត្រីនេះ ត្រូវបានគេប្រទះឃើញនៅក្នុងកោះមួយ ឈ្មោះ ឃោរិល របស់ប្រទេសរុស្ស៊ី កាលពីពេលថ្មីៗកន្លងមកនេះ ។

បើតាមការចុះផ្សាយ របស់កាសែតខាងលើ បានសរសេរថា ត្រីព្រះច័ន្ទយក្សមួយក្បាលនេះ មានទំហំរហូតដល់ 1,100Kg ហើយទំរាំតែយកត្រីយក្ស មួយក្បាលនេះ ឡើងលើគោកបាន ត្រូវប្រើរយៈពេល៣ថ្ងៃឯណោះ ទើបធ្វើឲ្យសាច់របស់វា មានធំក្លិនស្អុយទៅហើយ មិនអាចឲ្យក្រុមអ្នកនេសាទ ដែលចាប់ត្រីនេះបាន យកទៅដេញថ្លៃលក់បាននោះឡើយ ។

កាសែតក្នុងស្រុកខាងលើ បានចុះផ្សាយថា លើកនេះពិតជាចម្លែកមែន ត្រីយក្សមួយនេះ មានឆ្អឹងធំបំផុត ដែលក្រុមអ្នកនេសាទ ដែលធ្លាប់ដើរសមុទ្រ ចាប់ត្រីរាប់មិនអស់នោះ ភ្ញាក់ផ្អើលមិនធ្លាប់ជួបប្រទះ ពីមុននោះឡើយ ។ តែទោះជាយ៉ាងណា ប្រទេសរុស្ស៊ីបានចេញច្បាប់ ហាមឃាត់មិនឲ្យ ក្រុមប្រជានេសាទ លក់ដូរសាច់ត្រីខាងលើនេះឡើយ តែប្រទេសមួយចំនួន ដូចជាប្រទេសចិន ជប៉ុន និងកូរ៉េ ត្រូវបានគេដឹងថា ត្រីប្រភេទខាងលើនេះ កំពុងមានទីផ្សារ ដែលលក់បានថ្លៃបំផុត ព្រោះសាច់របស់វាឆ្ងាញ់ជាងគេ បើប្រៀបធៀបជាមួយត្រី ដែលមានសាច់ឆ្ងាញ់ ផ្សេងៗជាច្រើនទៀត ក្នុងពិភពលោក ៕