ខ្លាំងមែន ជោគជ័យដល់កម្រិត បន្ទាប់បញ្ចប់វគ្គថ្នាក់ដឹកនាំជាន់ខ្ពស់ ទាំងស្រីទាំងប្រុស ស្រាប់តែ
ជាការពិតណាស់ ក្រុមរកស៊ីតាមអនឡាញ ជាពិសេសលក្ខណៈទីផ្សារ Network ដើម្បីអូសទាញឲ្យលង់ខ្លួនតៗគ្នា ដែលធ្វើឲ្យបានត្រឹមខាតបង់ពេលវេលា និងអស់ប្រាក់ ក្នុងនោះអ្នកខ្លះព្រោះតែការលោភលន់តាមគេអូសទាញរហូតរបូតអស់ដីធ្លី ជំពាក់ធនាគារ គឺគេតែងតែឃើញក្រុមដែលជាសមាជិកជាបក្ខពួកជំនាញខាងដើរអូសទាញ នាំគ្នាធ្វើរឿងប្លែកៗដ៏ហួសចិត្ត ដើម្បីបង្ហាញថាពួកគេកំពុងជោគជ័យខ្លាំងសម្បើមណាស់។
ជាក់ស្តែង វីដេអូឃ្លីបមួយ បានកំពុងធ្វើឲ្យមនុស្សក្នុងពិភពអនឡាញ ផ្ទុះការចាប់ការភ្ញាក់ផ្អើល និងអស់សំណើចយ៉ាងខ្លាំង ខណៈបានឃើញក្រុមជាសមាជិករកសុីទីផ្សារ Network មួយ ដែលមានទាំងប្រុសទាំងស្រី គឺបន្ទាប់បញ្ចប់វគ្គបណ្តុះបណ្តាលថ្នាក់ដឹកនាំជាន់ខ្ពស់ ស្រាប់តែបានបញ្ចេញសកម្មភាពនាំគ្នាទន្ទេញមិនដឹងជាពាក្យស្លោកអ្វីរកស្តាប់មិនយល់ និងកាយវិការកន្ត្រាក់ដៃកន្រ្តាក់ជើង ដែលឃើញហើយពិតជាមហាហួសថ្លែងតែម្តង។
ក្រោយពីបានឃើញបែបនេះ មហាជនអ្នកលេងបណ្តាញសង្គម បានសម្តែងការហួសចិត្តបែបៗនេះថា៖ «សង្ស័យបែកឱសថ, ជោគជ័យដល់កម្រិត ធ្វើឲ្យមនុស្សនាំគ្នាឆ្គូតឡប់អស់ទៅ អញហើយអញ!, ជោគជ័យខ្លាំងពេក សរសៃប្រសាទអស់ហើយ, មិនជឿកុំប្រមាថ បារមីមានពិត ខ្មែរអាចធ្វើបាន,… »៕ រក្សាសិទ្ធិដោយ៖ លឹម ហុង
