រំជួលចិត្ត! ចេះតែឆ្ងល់ថាហេតុអ្វីសុខ.ខ នេះនៅអង្គុយចាំតាមដងផ្លូវរហូត ស្រាប់តែដឹងការពិតរំភើបស្ទើរស្រក់ទឹកភ្នែក (មានវីដេអូ)
បរទេស៖ ប្រិយមិត្តជាច្រើនមានការចាប់អារម្មណ៏ និង រំភើបជាខ្លាំងក្រោយ សុខខមួយក្បាលក្នុងប្រទេសថៃ បានរង់ចាំម្ចាស់របស់វានៅតាមដងផ្លូវ ខណៈវាត្រូវបានវង្វេង និង មិនខ្ចីដើរទៅណា អស់រយៈពេល ៤ ឆ្នាំ ។រឿងរ៉ាវរបស់សត្វសុនខមួយក្បាលនេះ ត្រូវបានចែកចាយដោយអ្នកលេងបណ្ដាញសង្គមក្នុងប្រទេសថៃម្នាក់ឈ្មោះ Anuchit Uncharoen កាលពីពេលថ្មីៗនេះ ។ លោកបានប្រទះឃើញសុខខនេះនៅដើរតែលតោលជុំវិញផ្លូវថ្នល់ ដែលមើលទៅវាហាក់ដូចជាត្រូវបានគេបោះបង់ចោល មុនពេលស្ត្រីម្នាក់មកជួយយកចំណីឲ្យវាស៊ី ។ជាក់ស្តែង ក្រោយសាកសួរជុំវិញហ្នឹង ពួកគេបានរកឃើញថា សុខខនេះគឺតាមពិតទៅបានរង់ចាំនៅលើផ្លូវថ្នល់ដដែលនេះ អស់ពេលដល់ទៅ ៤ ឆ្នាំមកហើយ ។បើតាមអ្នកឲ្យចំណីវា លោកស្រី Pinnuchawat បានប្រាប់ថា
នាងបានព្យាយាមនាំយកសុខខដែលដាក់ឈ្មោះឲ្យថា Leo នេះទៅផ្ទះរបស់នាងដែរ ព្រោះឃើញវាស្គមសល់តែឆ្អឹង និងអង្គែរស៊ីផង ប៉ុន្តែ Leo វាបានគេចចេញពីផ្ទះរបស់នាង ហើយត្រឡប់មកអង្គុយលើផ្លូវដដែល ។ ដោយវាមិនព្រមមកផ្ទះនាង លោកស្រី Pinnuchawat គ្មានជម្រើស គឺនៅតែយកចំណីឲ្យវាស៊ីនៅកន្លែងដដែល ហើយនៅថ្ងៃណាដែលនាងរវល់ សមាជិកគ្រួសារនាងក៏យកចំណីឲ្យវាជំនួសនាង ។ដោយឡែក ក្រោយឃើញទង្វើរបស់ Leo ស្មោះស្ម័គ្រនឹងម្ចាស់បែបនេះ
មហាជនអ្នកលេងបណ្ដាញសង្គមបាននាំគ្នាចែកចាយរឿងរ៉ាវរបស់វា ដើម្បីឲ្យម្ចាស់វាអាចឃើញ និងបានជួបជុំគ្នាវិញ ។ ជាសំណាងល្អ មានក្រុមគ្រួសារមួយបានទាក់ទងទៅអ្នកដែលបានចែកចាយដំណឹងនេះ ដោយនិយាយថា Leo គឺដូចជាសុខខរបស់ពួកគេឈ្មោះ BonBon ដែលពួកគេបានបាត់កាលពី ៤ ឆ្នាំមុន ។យ៉ាងណាមិញ ម្ចាស់របស់វា ឈ្មោះ Noi បានពន្យល់ហេតុការណ៍ប្រាប់ថា ពួកគេបាននាំ BonBon ទៅលេងសាច់ញាតិពួកគេ នៅពេលឈប់ក្នុងការ៉ាស់សាំង ពួកគេបានចាប់អារម្មណ៍ថា BonBon បានបាត់ចេញពីឡាន ។ ក្រោយរកមិនឃើញ ដោយគិតថា សុខខរបស់ខ្លួនបានងាប់ទៅហើយ ។ តែអ្វីដែលជាក្ដីរំភើបហួសស្មាននោះ គឺពេលនេះ សុខខរបស់ពួកគេដែលបានបាត់រាប់ឆ្នាំមកនេះ បែរជានៅរស់រាន និងត្រឡប់មករស់នៅជាមួយគ្នាវិញដូចដើម ៕ប្រភព៖pop