ក្រុមអ្នកនេសាទរត់ជាន់ជើងគ្នាក្រោយប្រទះឃើញដង្កៀបចម្លែកមួយ មិនដែលឃើញទេពីមុនមក…
បរទេស៖បើយោងតាមThe Sun ប្រជានេសាទអង់គ្លេសម្នាក់បានឲ្យដឹងថា គាត់ពិជាស្រវាំងភ្នែកមែនទែនក្រោយពេលបានឃើញដង្កៀបក្តាមធំដល់ម្លឺង និយាយពីអាយុកាលវាវិញប្រមាណ៥០ឆ្នាំ ហើយមានទម្ងន់ដល់ទៅ8kgហើយមានប្រវែង 90cm។
បើតាមសម្តីរបស់លោក Shaun Krijnen អាយុ៤៦ឆ្នាំ បានឲ្យដឹងថាគាត់បានប្រទះឃើញដង្កៀបប្រវែង 90cmនេះ ក្នុងសំណាញ់នេសាទតំបន់សមុទ្ររបស់ខ្លួន នាតំបន់ Wales ចក្រភពអង់គ្លេស។
ក្រុមអ្នកជំនាញបានប៉ាបន់ស្មានថា ដង្កៀបនេះជារបស់បង្កងប៉ាក “យក្ស”
ប្រជានេសាទរូបនេះបានបន្តថា ខ្ញុំមិនចង់ជឿទេថា មានដង្កៀបធំដល់ទៅប៉ុននោះឡើយ”។ ខ្ញុំប្រកបរបរនេសាទ ២៣ឆ្នាំមកហើយ ហើយក៏ធ្លាប់ឃើញដង្កៀបធំៗច្រើនដែរ តែពុំដល់ថ្នាក់ធំបែបនេះទេ។ វាប្រហែលជាស្តេចបង្កងប៉ាកនៅតំបន់សមុទ្រណាមួយហើយ។
ចំណែកបណ្ឌិត Charlie Ellis អ្នកស្រាវជ្រាវនៃមជ្ឈមណ្ឌលចិញ្ចឹមបង្កងប៉ាកនាប្រទេសនេះវិញបានពោលថា ៖ “បង្កងប៉ាកមានដង្កៀបទំហំប៉ុននេះ គឺវាមិនធម្មតាឡើយ។ កាន់តែភ្ញាក់ផ្អើលទៀត ព្រោះវាពុំដែលជាប់សំណាញ់របស់ប្រជានេសាទម្តងណាសោះ ច្រើនឆ្នាំកន្លងមកនេះ។ តែពេលនេះបែរជាមកជាប់សំណាញ់របស់លោក Shaun Krijnen អាយុ៤៦ឆ្នាំនេះទៅវិញ។