បើមិនចង់នាំរឿងក្តៅក្រហាយចូលផ្ទះ សូមកុំដាំផ្កាប្រភេទនេះនៅផ្ទះដាច់ខាត ប្រយ័ត្នស៊យធំ
ដូចដែលយើងទាំងអស់គ្នាបានដឹងស្រាប់ហើយថា ប្រទេសកម្ពុជាយើងគឺជាប្រទេសដែលមានអរិយធម៌ដ៏ចំណាស់មួយ ហើយប្រជាជនខ្មែរយើងតាំងពីសម័យមុនមកតែងតែមានជំនឿទៅលើ កម្មផល អារក្សអ្នកតា ជាដើម ហើយជំនឿទាំងអស់ក៏នៅតែបន្ដដល់សព្វថ្ងៃនេះផងដែរ។ ជំនឿទាំងនោះសុទ្ធតែមានបំណងឲ្យមនុស្សគ្រប់រូបរស់នៅដោយក្ដីសុខសប្បាយ ជាក់ស្ដែងយើងនិងលើកយកជំនឿមួយដោយបកស្រាយហោរាមួយរូប គឺមិនឲ្យដាំផ្កាចំប៉ានៅខាងមុខផ្ទះព្រោះវាអាចនាំឲ្យមានរឿងក្ដៅក្រហាយក្នុងគ្រួសារ។
ផ្កាចំប៉ា ដែលបងប្អូនស្គាល់ថាជាផ្កាម្យ៉ាងគេតែងតែដាក់តាមខ្លួនដើម្បីឲ្យជាប់ក្លិនក្រអូប។ ប៉ុន្តែប្រិយមិត្តអ្នកអានប្រហែលមិនដឹងទេថា ផ្កាមួយប្រភេទនេះ មានឥទ្ធិលយ៉ាងណាដល់រាសីរបស់អ្នក។ ព្រឹទ្ធាចារ្យម្នាក់ បានអះអាងថា ផ្កានេះ វានឹងផ្ដល់ភាពអពមង្គលដល់គ្រួសារណាដែលយកវាទៅដាំនៅផ្ទះ ហើយក៏មិនងាយមានគ្រូបារអារចារ្យណាអាចរំដោះគ្រោះនោះបានឡើយ។
លោក កៅ សារ៉ន ព្រឹទ្ធាចារ្យមើលការខុសត្រូវ និងថែរក្សាគម្ពីរស្លឹករឹតនៃបណ្ណាល័យជាតិ បានរៀបរាប់ថា ផ្កាមិនត្រឹមតែមិនជួយឲ្យគ្រួសារចម្រុងចម្រើននោះទេ ថែមទាំងត្រូវជួបគ្រោះស៊យដោយសារវាទៀត។ ” បើជាវាមានក្លិនក្រអូបគួរឲ្យថែរក្សានៅគេហដ្ឋានក៏ពិតមែន តែយើងមិនអាចដាំវាបានទេ ហើយចាស់ៗបានហៅវាថា ជាផ្កាកាកី” លោក សារ៉ន ពន្យល់។
ព្រឹទ្ធាចារ្យរូបនេះ លើកឡើងថា មានគ្រួសារច្រើនដែលទើបតែរៀបការបានដាំផ្កាចំប៉ានៅផ្ទះដោយមិនបានសួរចាស់ទុំ ស្រាប់តែមិនយូរប៉ុន្មានក៏មានជម្លោះឥតល្ហែ ដល់ថ្នាក់បែកបាក់ផ្លូវគ្នា។ នេះជារឿងអពមង្គលមួយត្រូវបានគេសម្គាល់។ បើនិយាយពីរឿងរាសី ផ្កានេះនឹងធ្វើឲ្យគ្រួសាររកស៊ីអ្វីក៏ដាក់ និងអាចមានគ្រោះពិបាកដោះទៀតផង។ យ៉ាងណា គ្រូចាស់បុរាណរូបនេះ ផ្ដាំថា លោកអ្នកអាចទទួលឬទិញផ្កានេះពីអ្នកដទៃបាន តែដាច់ខាតមិនអាចដាំនៅផ្ទះបានទេ៕
ប្រភព pressnews