រឿងដ៏សែនហួសចិត្ដ!!! ផ្ញើរប្រហុកទៅអោយមិត្ដភក្ដិនៅអាមេរិក បែរជាក្រុមហ៊ុន ដឹកជញ្ចូនអាកាសចរណ៏ផ្ញើរត្រលប់មកវិញ ដោយភ្ជាប់ក្រដាស់មួយសន្លឹក បានសរសេរថា…

ប្រហុក គឺជា គ្រឿងផ្សំ ឬក៏ ជាម្ហូបអាហារ មួយប្រភេទ ដែលមានការ ពេញនិយមយ៉ាងខ្លាំង។ ដូនតាបុរាណរបស់ ជនជាតិខ្មែរ ដែលបានបន្សល់ក្បួនធ្វើនេះតាំងពី បុរាណកាលមកម្លេះ បើទោះជាវាមានក្លឹនស្អុយក៏ដោយ។ ប្រហុកវាបានក្លាយទៅជា អាហារនៃ អត្តសញ្ញាណជាតិ របស់ជនជាតិខ្មែរ។

ប្រជាពលរដ្ឋវ័យចំណាស់កាលពីសម័យដើមស្ទើរតែទាំងអស់ តាមស្រុកតាមភូមិ នៃជនជាតិខ្មែរ ចេះធ្វើប្រហុក សឹងតែគ្រប់ៗផ្ទះ លើកលែងតែ យុវវ័យសម័យថ្មី មួយចំនួនសព្វថ្ងៃដែលមិនសូវចេះធ្វើនោះទេ។ ជាធម្មតាគេចាប់ផ្ដើមធ្វើប្រហុកគឺក្នុងខែ មិគសិរ ព្រោះក្នុងខែនេះផងដែរ ជាខែទឹកស្រកដោយសម្បូរទៅដោយត្រី ដោយធ្វើអោយប្រជាពលរដ្ឋគាត់រួសរាន់ទិញត្រីមកធ្វើ ផ្អក ឬ ប្រហុក។

ប្រទេសថៃ៖ មានការស៊ែរ ឡើងកក្រើកពេញបណ្ដាញសង្គម ហ្វេស បុក ដែលបានផ្ញើរប្រហុកអោយមិត្តភក្តិនៅអាមេរិក ប៉ុន្ដែត្រូវក្រុមហ៊ុនដឹកជញ្ជូន អាកាសចរណ៏ បានផ្ញើរប្រហុកនោះ ត្រឡប់មកវិញ ព្រមទាំងមានឯកសារមួយសន្លឹកផងដែរ ពេលអានហើយ បានធ្វើឲ្យអ្នកលេងហ្វេស បុក ចូលបញ្ចេញមតិហើយ ហួសចិត្ដគ្រប់ៗគ្នា។

នេះជារឿងរ៉ាវដែលគួរអោយ ហួសចិត្ដ និងអស់សំណើច បំផុតក្នុងការ ដែលផ្ញើរប្រហុកទៅឲ្យមិត្តភក្តិដែលរស់នៅសហរដ្ឋអាមេរិក ប៉ុន្ដែមិត្តភក្តិ ដែលរស់នៅទីនោះមិនទាន់បានទទួលផង ប្រហុកនោះក៏ត្រូវបាន ក្រុម ហ៊ុនដឹកជញ្ជូន អាកាសចរណ៏បានផ្ញើរត្រឡប់មកវិញព្រមទាំងភ្ជាប់ឯកសារប្រាប់ពី មូលហេតុដោយសរសេរថា៖ “ ក្រុមហ៊ុនអាកាសចរណ៍របស់យើងខ្ញុំ សូមចូលរួមការសោកស្ដាយ ដែលសត្វចិញ្ចឹមរបស់អ្នកត្រូវបានស្លាប់បាត់បង់ជីវិតហើយ “។

នៅលើគេហទំព័រផេកមួយមានឈ្មោះថា Gstrong ผู้หญิงสวย บนโลกความจริง បង្ហោះមិនទាន់បានប៉ុន្មានផង អ្នកលេង ក្នុងបណ្ដាញសង្គម ហ្វេក បុក ក៏បានចូលទៅ និងចែករំលែកតៗគ្នាយ៉ាងច្រើន ឯអ្នកខ្លះទៀត អស់សំណើច ហួសចិត្ត ត្រីក្នុងក្រឡនេះមិនមែនជាសត្វចិញ្ចឹមទេ ប៉ុន្ដែវាគឺជារបស់ដ៏មានរស់ជាតិឆ្ងាញ់ទេ ចំពោះអ្នកខ្លះទៀតនិយាយថា សំណាងល្អហើយ ដែលមិនបានបើកគម្របធ្វើការពិសោធន៍ រកមូលហេតុនៃការស្លាប់ បើមិនអ៊ីចឹងនោះទេក្រុមហ៊ុនអាកាសចរណ៍ ប្រាកដជារត់ជាន់ជើងគ្នាមិនខានហាហា។