ស្មាន​មានតែ​មនុស្ស «​ខ្លាច​» ក្លិន​ធុ​រេ​ន ដឹងអី​…​ស្វា​ក៏​ពុំ​ចូលចិត្ត «​កំពូល​ផ្លែឈើ​» នេះដែរ (វីដេអូ)

ប្រទេស​ចិន៖បើយោងតាមវីដេអូដែលបានបង្ហោះក្នុងបណ្តាញសង្គមទាក់ទងទៅនឹងសត្វ​ស្វា​ដ៏​ឆ្លាត​មួយ​ក្បាល បាន​កំពុង​ទទួលបាន​ការចាប់​អារម្មណ៍​ជាខ្លាំង​នៅលើ​បណ្តាញ​សង្គម ចំពោះ​ប្រតិកម្ម​ដ៏​គួរ​ឲ្យ​ស្រលាញ់​របស់​វា បន្ទាប់ពី​ត្រូវបាន​ផ្តល់​ឲ្យ​នូវ​ធុ​រេ​ន​១​ក្លែប ។​​បើ​យោងតាម Newsflare ដែល​បាន​បង្ហោះ​វីដេអូ​នេះ​លើកដំបូង ។​​ស្ត្រី​ម្នាក់​ក្នុងចំណោម​ភ្ញៀវទេសចរ​ជាច្រើន បានផ្តល់​ធុ​រេ​ន​១​ក្លែប ទៅ​ឲ្យ​ស្វា​នោះ​ស៊ី ប៉ុន្តែ វា​បង្ហាញ​អារម្មណ៍​ហាក់ដូចជា​ពុំ​សូវ​ពេញ​ចិត្តនឹង​ផ្លែឈើ​នេះ​ទេ ។

បន្ទាប់ពី​បានដឹង​ក្លិន​របស់​វា ស្វា​នោះ​ក៏បាន​ទម្លាក់​ធុ​រេ​ន​ទៅ​ដី​ភ្លាមៗ​តែម្តង ។​​ស្វា​នេះ​បន្ទាប់មក បាន​យកដៃ​ស្តាំ​របស់​វា ទៅ​ផ្អឹប​នឹង​ច្រមុះ ដើម្បី​ហិត​ឲ្យ​ដឹង​កាន់តែច្បាស់ ។​​បន្ទាប់ពី​ដឹងថា ផ្លែឈើ​នេះ​ពិតជា​ធ្វើ​ឲ្យ​ក្លិន​ជាប់​នៅ​នឹង​ដៃ​រប​ស់វា ស្វា​នេះ​ក៏បាន​ប្រញាប់ប្រញាល់​ជូត​វា​យ៉ាង​លឿន ទៅនឹង​គល់ឈើ ហើយ​ហិត​វា​ម្តងទៀត ដើម្បី​ឲ្យ​ដឹងថា​តើ​ក្លិនស្អុយ​នឹង​រសាយ​បាត់ ឬ បន្ត​នៅ ។​​ពិតណាស់ មនុស្ស​ជាច្រើន​ក៏​មិន​ចូលចិត្ត «​ក្លិន​» ធុ​រេ​ន​ផងដែរ ។ មិននឹកស្មានថាស្វាមិនចូលចិត្តដូចជាមនុស្សដែរសោះ។
 
បើអ្នកទាំងអស់គ្នាចង់ជ្រាបច្បាស់សូមទស្សនាវីដេអូខាងក្រោមទាំងអស់គ្នា។

Leave a Reply

Your email address will not be published. Required fields are marked *

shares