ប្រពៃណាស់!ខេមរៈ សិរីមន្ដ ឧបត្ថម្ភថវិកាដល់ព្រឹទ្ធាចារ្យ គង់ ណៃ ក្នុងឱកាសភ្ជុំ
ភ្នំពេញ ៖ ក្នុងឱកាសដែលសមាគមសិល្បៈដឹកនាំដោយផ្ទាល់អស់ពីកម្លាំងកាយចិត្តរបស់លោក ហេង ឡុង និងលោកស្រី ចន ច័ន្ទលក្ខិណា ទៅធ្វើបុណ្យកាន់បិណ្ឌ១២នៅវត្តប្រាសាទ នាព្រឹកមិញនេះរួមទាំងការផ្ដល់ឧបត្ថម្ភនូវថវិកា គ្រឿងឧបភោគ បរិភោគ ដល់សិល្បករចាស់ជរាប្រមាណជិត៣០រូប ក្នុងនោះប្រធានសមាគមមិត្តសិល្បៈស្ម័គ្រចិត្តជួយសង្គម ក៏បានប្រកាសពីទឹកចិត្តគួរកោតសរសើររបស់តារាចម្រៀងលេងសម្រស់សាច់ដុំ ខេមរៈ សិរីមន្ដ ដែលឧបត្ថម្ភដល់ព្រឹទ្ធាចារ្យ គង់ ណៃ នូវថវិកានាខែភ្ជុំបិណ្ឌនេះផងដែរ។
លោក ហេង ឡុង បានឲ្យដឹងលើទំព័រហ្វេសប៊ុកផ្លូវការក្នុងខ្លឹមសារភ្ជាប់រូបភាពថា «សុំកោតសរសើរតារាចម្រៀង ខេមរៈ សិរីមន្ត ដែលបានឧបត្ថម្ភថវិកា១លានរៀល ជូនដល់ព្រឹទ្ធាចារ្យកោសល្យវោហារ គង់ ណៃ ខណៈដែលសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន បានឧបត្ថម្ភសិល្បកររៀមច្បង ២៥រូប នូវថវិកា ៤០ម៉ឺនរៀល អង្ករ១បាវ មី១កេះ និងត្រីខ១យួរ តាមរយៈ មូលនិធិសិល្បៈចាស់ជរា របស់សមាគមសិល្បករខ្មែរ នាព្រឹកថ្ងៃទី ២៥ ខែកញ្ញា ឆ្នាំ២០១៩ នៅវត្តប្រាសាទ»។
ប្រភព៖dara-news