រំជួលចិត្ត! ដើម្បីអ្នកម្តាយ សុខចិត្តតែងខ្លួនជាស្រីជាង២០ឆ្នាំ ដោយសារតែ….(មានវីដេអូ)

បុរស​ម្នាក់ បាន​ស្លៀកពាក់ ឲ្យ​ដូច​ស្ត្រី អស់​រយៈពេល ២០​ឆ្នាំ ដើម្បី​ធ្វើ​ឲ្យ​ម្តាយ​គាត់ ដែលមាន​ជំងឺ​ប្រ​សៃ​ប្រសាទ សប្បាយចិត្ត​។ ម្តាយ​វ័យ​ចំណាស់ របស់​បុរស​នោះ ចាប់ផ្តើម​មាន​បញ្ហា​ខួរក្បាល ដោយសារតែ​ការស្លាប់ របស់​កូនស្រី​គាត់​។​​វីដេអូ​របស់​បុរស ដែល​មិន​ត្រូវបាន​គេ​ស្គាល់ឈ្មោះ ដោយ​ស្លៀកពាក់ ជា​បងស្រី​របស់ខ្លួន ត្រូវបាន​គេ​ទស្សនា​ចំនួន​ជាង ៤​លាន​ដង នៅក្នុង​បណ្តាញ​ទំនាក់ទំនង​សង្គម របស់​ចិន ឈ្មោះ Weibo និង​ត្រូវបាន​យក​ចុះផ្សាយ របស់​ប្រព័ន្ធ​ផ្សព្វផ្សាយ​ចិន ជាច្រើន​។​

​បុរស​ដែល​ទំនង ស្ថិតក្នុង​វ័យ ៥០​ឆ្នាំ រស់នៅក្នុង​ទីក្រុង Guilin នៃ​តំបន់ Guangxi ប្រទេស​ចិន​។ គាត់​បាន​មើលថែ​ម្តាយ​ចាស់ជរា របស់គាត់ ដោយ​ស្លៀក​សំលៀកបំពាក់ ប្រពៃ​ណៃ​ឲ្យ ដូច​បងស្រី​របស់ខ្លួន ដែល​បាន​ស្លាប់​។​

បុរស​រូបនោះ បាន​ថ្លែងប្រាប់ បណ្តាញ​វេទិកាព័ត៌មាន ឌីជីថល Pear Video ថា គាត់​ចាប់ផ្តើម​ស្លៀកពាក់ ជា​ស្រី ក្រោយពេល​ម្តាយ​របស់គាត់ ចាប់ផ្តើម​បង្ហាញ​សញ្ញា ពី​ជំងឺ​ប្រ​សៃ​ប្រសាទ ដោយសារតែ​ការស្លាប់ របស់​កូនស្រី របស់គាត់​ម្នាក់​។​

គាត់​បន្ថែមថា ម្តាយ​របស់គាត់ ចាប់ផ្តើម​ជឿ​ភ្លាមៗ ថា​កូនស្រី​របស់គាត់ បាន​ត្រឡប់មកវិញ នៅពេល​គាត់ ស្លៀកពាក់​ជាម​នុស្ស​ស្រី​។​

គេអាចឮសូរសម្លេង ស្រ្តីជាម្តាយចំណាស់និយាយថា «នាងគឺជាកូនស្រីរបស់ខ្ញុំ។ ចាប់តាំងពីកូនស្រីរបស់ខ្ញុំម្នាក់ទៀតបានស្លាប់ទៅ នាងក៏បានក្លាយជាកូនស្រីរបស់ខ្ញុំ» 

លោកក៏បានលើកឡើងចុងក្រោយទៀតដែរថា លោកពិតជាមិនខ្វល់ ហើយក៏មិនខ្មាសអៀនដែរ បើទោះជាមានអ្នកដទៃ សើចចំអក និងពេបជ្រាយមកលើលោកយ៉ាងណាក្តី ព្រោះអ្វីៗដែលលោកធ្វើឡើងមកនេះ គឺដើម្បីម្តាយរបស់លោកតែម្នាក់ប៉ុណ្ណោះ។ ម្តាយរបស់លោកសប្បាយរីករាយខ្លាំងណាស់ ដូច្នេះលោកនឹងនៅតែបន្តធ្វើបែបនេះដើម្បីម្តាយទៀត៕

Leave a Reply

Your email address will not be published. Required fields are marked *