គួរឲ្យខ្លាច…ខណៈក្មេងប្រុសកំពុងលេងទឹកសុខៗ ស្រាប់តែត្រូវបានរលកសមុទ្រឆក់យកឆ្ងាយ…ទីបំផុត!! (មានវីដេអូ)
បរទេស៖ វីដេអូខ្លីស្ដែងពីក្មេងប្រុសតូចម្នាក់ ត្រូវបានឆក់យកដោយរលកសមុទ្រខណៈពេលកំសាន្តនៅឆ្នេរហាវ៉ៃ។ ក្នុងវីដេអូនេះគេលឺសម្រែកក្មេងប្រុសពេលដែលរលកសមុទ្រកៀរយ៉ាងប្រផាប់ប្រភីង។ មនុស្សជាច្រើនបានឃើញរលកធំៗបោកមកឆ្នេរ ហើយក្មេងប្រុសបានដួលចុះក្នុងទឹករលកខណៈពួកគេព្យាយាមជួយសង្រ្គោះ។
នេះជាហេតុការណ៍ឆោឡោជួយសង្រ្គោះក្មេងប្រុសដែលត្រូវបានបោកកៀរដោយរលកសមុទ្រ។ វីដេអូខ្លីស្ដីពីហេតុការណ៍គ្រោះថ្នាក់ដែលបង្ហាញបុរសម្នាក់ស្លៀកខោខ្លីពណ៍ខ្មៅដែលឈរលើឆ្នេរកំពុងស្រែកប្រាប់ទៅក្មេងប្រុសខណៈពេលដែលកុមារនោះរៀបនឹងត្រូវរមៀលចុះក្នុងទឹក ហើយរលកបានអូសទាញក្មេងប្រុសកាន់តែឆ្ងាញ។
ក្មេងប្រុសនេះកំពុងឈរលេងនាឆ្នេរសមុទ្រនៅហាវ៉ៃក្នុងថ្ងៃសំរាកជាមួយក្រុមគ្រួសាររបស់់គេ តែរំពេចនោះមានរលកធំបានបោកទាញគេទៅក្នុងសមុទ្រ ហើយស្រី្តមា្នក់បានរត់ទៅជួយ។ បុរសម្នាក់ក៏ស្ទុះទៅជួយទៀត នៅក្នុងហេតុការណ៍នោះ មនុស្សបីនាក់ក៏ត្រូវបោកដោយរលក មនុស្សពីរនាក់ផ្សេងទៀតក៏មិនអាចជួយក្មេងប្រុសបានដែរ។ ទីបំផុតបុរសម្នាក់អោបក្មេងប្រុសយកចេញពីទឹកសមុទ្របានយ៉ាងជោគជ័យក្នុងសភាពទ្រេតទ្រោត។
គេមិនបានដឹងទីកន្លែងហេតុការណ៍ប្រាកដ គ្រាន់តែដឹងថានៅហាវ៉ៃ។ អ្នកនៅក្នុងហេតុការណ៍បានបង្ហោះវីដេអូនេះទៅក្នុងវេបសាយ Live Leak ហើយក៏ត្រូវបានរិះគន់ដោយអ្នកមើលជាច្រើនថា៖ “មិនគួរបណ្ដោយអោយក្មេងតូចចុះលេងសមុទ្រដោយគ្មានការមើលគ្រប់គ្រង តាមដានដិតដល់”។
អ្នករិះគន់ម្នាក់បានសរសេរថា៖ “ស្ថានភាពនោះអ្នកមិនគួរអោយក្មេងដើរចុះក្នុងសមុទ្រទេ វាពិតជាសំណាងណាស់ដែលគេអាចរួចជីវិតបាន”។ ចំណែកអ្នករិះគន់ដ៏ទៃទៀតហាក់ដូចជានិយាយចំអកថា៖ “នេះហើយជាឪពុកម្ដាយដ៏ល្អឥតខ្ចោះ”។
ខណៈដែលមនុស្សមួយចំនួនរិះគន់ក្នុងន័យមិនពេញចិត្តចំពោះបុរសដែលឈរស្លៀកខោខ្លីពណ៍ខ្មៅ តែក៏មានអ្នករិះគន់ដ៏ទៃទៀតបានសាទរចំពោះអ្នកនៅក្នុងហេតុការណ៍នោះ ដែលជួយកុមារបានជោគជ័យ ដោយសរសេរថា៖ “ក្មេងមានសំណាងល្អ ព្រោះអ្នកនៅក្បែរនោះជាមនុស្សល្អ”៕ អត្ថបទ៖ Khmer5 News