នារីខ្មែរម្នាក់ទម្លាយការពិតមួយចំនួន ដែលគាត់ជ្រើសយកប្តីអាគំាង ព្រោះតែមានចំនុចចាក់ដោតជាច្រើនដូចជា….

ហ្វេសប៊ុក៖ បើយោងទៅតាមគណនីហ្វេសប៊ុកផេក Mum on assignment ដែលរៀបរាប់ចេញពីជីវិតផ្ទាល់របស់នារីម្នាក់ បានសម្រេចចិត្តជ្រើសរើសគូជីវិត ជាជនបរទេស។ ចង់ដឹងថា នាងមានមូលហេតុជំរុញចិត្តអ្វីខ្លះ ដែលនាំឱ្យនាងសម្រេចចិត្តជ្រើសរើសជនបរទេសធ្វើជាស្វាមី និង តើទំនាក់ទំនងរបស់ពួកគេទាំងពីរ ចាប់ផ្ដើមឡើងយ៉ាងម៉េចខ្លះនោះ សូមតាមដានទាំងអស់គ្នា ៖កាលពីមុនពាក្យ​ថា «អាពាហ៍ពិពាហ៍» គឺ​គ្មាន​ក្នុង​វចនានុក្រម​របស់​ខ្ញុំ​ទេ ។

ជីវិត​គ្រួសារ​របស់​ខ្ញុំ ​គឺ​មិន​ល្អ​នោះ​ទេ ។ ឪពុក​ម្ដាយ​ខ្ញុំ​តែង​តែ​ទម្លាក់​កំហុស​លើ​ខ្ញុំ​ រាល់​ពេល​ដែល​គាត់​ឈ្លោះ​គ្នា ។ការ​រៀបការ​ជាមួយ​ជនជាតិ​យើង ឬ​ជន​ជាតិ​ដទៃ គឺ​មិន​មែន​ជា​បំណង​ក្នុង​ជីវិត​ខ្ញុំ​ទេ ។ ខ្ញុំ​រៀបការ​នេះ ដោយ​សារ​តែ​មនុស្ស​ប្រុស​ដ៏​រឹង​ក្បាល​ម្នាក់ ដែល​ខ្ញុំ​បាន​ជួប​កាល​ពី ៤ ឆ្នាំ​មុន ខិត​ខំ​តស៊ូ​គ្រប់​យ៉ាង​ដើម្បី​ចង់​រួមរស់​ជាមួយ​ខ្ញុំ ។

បុរសខ្មែរមួយចំនួនមិន​សូវ​ចាប់​អារម្មណ៍លើរូបរាងរបស់ខ្ញុំទេ ព្រោះ​ខ្ញុំ​មាន​ស្បែក​ស្រអែម កម្ពស់​ក៏​ទាប ច្រមុះ​កំពិត និង​រាង​ស្គម ។ ជាង​នេះ​ទៀត ខ្ញុំ​មិន​ចេះ​រៀបរឹក​ឲ្យ​ដូច​ជា​ស្ត្រី​ខ្មែរ​ផង ។ បន្ថែម​ពី​នេះ​ទៀត រូបរាង និង​អត្តចរិត​របស់​ខ្ញុំ ភាគច្រើនក្លាយជាមន្ដស្នេហ៍​ទាក់ទាញទៅកាន់​បុរស​អឺរ៉ុបទៅវិញ ។ការ​ពិត​មួយ​នោះ​គឺ​ថា ខ្ញុំ​មិន​មែន​រៀបការ​ដើម្បី​បាន​ចូល​សញ្ជាតិ​នោះ​ទេ ។ ខ្ញុំ​រៀបការ​ជាមួយ​គាត់ ព្រោះ​ខ្ញុំ​លង់​ស្រឡាញ់​គាត់ ហើយ​ខាង​ក្រោម​នេះ ជា​មូលហេតុ ៨ យ៉ាង​ដែល​ខ្ញុំ​សម្រេច​រៀបការ​ជាមួយ​ជន​បរទេស ។

1.ខ្ញុំ​ជា​មនុស្ស​ងាយ​ចុះ​សម្រុង​ជាមួយ​អ្នក​ដទៃ ៖ ពិតជាអរគុណខ្លួនឯង ដែលបានរៀនសូត្របានច្រើនកន្លងមក។ វាបានជួយខ្ញុំបានច្រើនមែនទែនក្នុងការប្រាស្រ័យទាក់ទងជាមួយអ្នកដទៃ រៀនសូត្រពីគេបានច្រើន ជាពិសេសរៀនតាមរយៈ ការចេះភាសាទី ២ នោះ ឯង (អង់គ្លេស) ។ ជាមួយ​ការ​យល់​ដឹងកាន់តែស៊ីជម្រៅ វា​ជួយ​ឲ្យ​ខ្ញុំ​មិន​ចេះ​រើសអើង​អ្នក​ដទៃ ។

2.ភាព​ក្លា ហាន ​គឺ​ជា​ភាព​ទាក់ទាញ​របស់​ខ្ញុំ ៖ បុរស​ខ្មែរ​ភាគច្រើន ចូលចិត្ត​មនុស្ស​ស្រី​ណា​រៀង​អៀនៗ ដែល​មិន​សូវ​ចេះ​មាត់​ករ តបត និង​គោរព​ពួកគេ ។ ប៉ុន្ដែសម្រាប់ខ្ញុំវិញ គឺផ្ទុយ​ពី​អ្វី​ដែល​ពួកគេ​ចូលចិត្ត។ ខ្ញុំ​ ជាមនុស្សស្រីចូលចិត្ត​និយាយ​អ្វី​ត្រង់​ៗ ធ្វើ​អ្វី​ដែល​ខ្លួន​ឯង​ចង់​ធ្វើ និង​ចូលចិត្ត​មាន​សេរីភាព ។

3.ខ្ញុំ​ចេះ​សម្រប​ខ្លួន​ ៖ ខ្ញុំ​អាច​សម្រប​ខ្លួន​ទៅ​នឹង​វប្បធម៌ អាហារ អាកាសធាតុ និង​ទំនៀមទម្លាប់​បារាំង​បាន​យ៉ាង​ងាយ ។ អ្នក​ខ្លះ​ថា ខ្ញុំភ្លេច​កំណើត​ហើយ តែ​ខ្ញុំ​មិន​យល់​ស្រប​តាម​គេ​នោះ​ទេ ។ ការ​សម្រប​ខ្លួន​នេះ គឺ​ជួយ​ឲ្យ​ខ្ញុំ​មាន​ឱកាស​សិក្សា រីក​ចំរើន និង​ផ្លាស់​ប្ដូរ​ខ្លួន​ឯង​ឲ្យ​ទៅ​ជា​មនុស្ស​មួយ​ថ្មី ក្នុង​សង្គម​ថ្មី​មួយ​ទៀត ។

4.ភាព​ជឿជាក់​ ជា​ចំណុច​ទាក់ទាញ​របស់​ខ្ញុំ ៖ ប្ដី​របស់​ខ្ញុំ​មើល​មក​ខ្ញុំ​ថា​ទាក់ទាញ ព្រោះ​ខ្ញុំ​ស្លៀកពាក់​វៀល​សិចស៊ី ប៉ុ​ន្តែ​ពោរពេញ​ដោយ​ភាព​ជឿជាក់ ។ សម្រាប់​មនុស្ស​ប្រុស​ខ្មែរ​ភាគ​ច្រើន មនុស្ស​ស្រី​ដែល​ជឿជាក់​លើ​ខ្លួន​ឯង​បែប​នេះ គឺ​ជា​សត្រូវ​របស់​គេ ព្រោះ​ពួកគេ​ពិបាក​នឹង​គ្រប់​គ្រង​ណាស់ ។

5.ពួកយើង​និយាយ​ភាសា​សាមញ្ញ​ជាមួយ​គ្នា ៖ ទោះ​បី​ជា​គាត់​ជា​ជនជាតិ​បារាំង ហើយ​ខ្ញុំ​ជា​ជនជាតិ​ខ្មែរ​មែន តែ​ពួកយើង​ប្រើ​ភាសា​អង់គ្លេស​ ជា​​ភាសា​គោល​ក្នុង​ការ​ទាក់ទង​គ្នា ។ បែប​នេះ វា​ងាយ​ស្រួល​ណាស់ សម្រាប់​ពួកយើង​ក្នុង​ពេល​ទាក់ទង​គ្នា ទាំង​ក្នុង​ការ​រស់​នៅ​ប្រចាំ​ថ្ងៃ និង​ ពេល​មាន​បញ្ហា​សំខាន់​អ្វី​ក៏​ដោយ ។

6.ការ​បាត់បង់​ព្រហ្ មចា រី​មុន​ពេល​រៀបការ គឺ​មិន​សំខាន់​នោះ​ទេ ៖ ភាព​បរិសុទ្ធ​មិន​មែន​ជា​គោល​ចម្បង​ដើម្បី​ការ​រៀបការ​នោះ​ទេ ហើយ​វា​ក៏​មិនមែនមាន​ន័យ​ថា អាច​ឲ្យ​គូ​ស្នេហ៍​មាន​សេចក្ដី​សុខ​បាន​ដែរ ។ ការ​បាត់បង់​ភាព​បរិសុទ្ធ​មុន និង​ក្រោយ​ពេល​រៀបការ គឺ​ជា​ការ​សម្រេច​ចិត្ត​របស់​បុគ្គល​ម្នាក់ៗ ។ អ្នក​មិន​អាច​ត្រូវ​បាន​គេ​វាយ​តម្លៃ​ថា ជា​មនុស្ស​ស្រី​មិន​ល្អ ឬ មនុស្ស​ស្រី​ចើក ដោយ​គ្រាន់​តែ​ការ​រួមរស់​ជាមួយ​គ្នា មុន​ពេល​រៀបការ​នោះ​ទេ ។

7.ខ្ញុំ​ចូលចិត្ត​ការ​ប្រកួតប្រជែង ៖ ពិត​ណាស់ រៀបការ​ជាមួយ​ជន​បរទេស​គឺ​ទទួល​បាន​មតិ​អវិជ្ជមាន​ច្រើន តែ​ទោះ​ជា​យ៉ាង​ណា ខ្ញុំ​ទទួល​យក​វា ដោយចាត់ទុកថា​ជា​ការ​ប្រកួតប្រជែង និងកាន់​តែ​​ជួយ​ពង្រឹង​ទំនាក់ទំនង​របស់​យើង​បន្ថែម​ទៀត៕8.មាន​រឿងរ៉ាវដែលត្រូវ​ចែករំលែក​គ្នាច្រើន ៖ នៅ​ពេល​ពួកយើង​មាន​លក្ខណៈ​ខុស​គ្នា​ច្រើន ពួកយើង​ក៏​មាន​អ្វី​ត្រូវ​ចែក​រំលែក​គ្នា​ច្រើន​ដូច​គ្នា ដូច​ជា ភាសា អាហារ វប្បធម៌ ទំនៀមទម្លាប់ ចំណេះដឹង មតិ និង​បទ​ពិសោធ ។ វា​ពិត​ជា​គួរ​ឲ្យ​ចាប់​អារម្មណ៍ និង​ទាក់ទាញ​ណាស់​សម្រាប់​ពួកយើង ។

Leave a Reply

Your email address will not be published. Required fields are marked *