ញាក់សាច់!!!ស្ដេចគ្រឿងញៀនម៉ិកស៊ីកូ El Chapo ធ្លាប់ជួលវិស្វករ ៥០លានដុល្លារ ជីករូងក្រោមដីគេចខ្លួន

 

បុរស​ជន​ជាតិ​ម៉ិកស៊ីកូ ដែល​មាន​ឈ្មោះ El Chapo ត្រូវ​បាន​គេ​ប្រសិទ្ធិនាម​ថា​ជា​ស្ដេច​គ្រឿង​ញៀន ដោយសារ​ជំនាញ​គេច​ខ្លួន​ដ៏​អស្ចារ្យ និង​ការ​រក​ទ្រព្យ​បាន​រាប់​ពាន់​លាន​ដុល្លារ​ពី​ជំនួញ​ខុស​ច្បាប់​មួយ​នេះ។ រឿង​រ៉ាវ​ដ៏​ល្បី​បំផុត​នោះ គឺ El Chapo បាន​ប្រើ​ល្បិច​ដ៏​អស្ចារ្យ និង​ជួល​ក្រុម​វិស្វករ ឱ្យ​ជីក​រូង​ក្រោម​ដី​ទៅ​ដល់​បន្ទប់​ពន្ធនាគារ ដើម្បី​ជួយ​រំដោះ​រូប​លោក​មក​វិញ ដោយ​ចំណាយ​ប្រាក់ ៥០​លាន​ដុល្លារ។

ក្រុម​​​ប៉ូលិស​​​ម៉ិក​ស៊ីកូ​បាន​​​ឃុំឃាំង​​​បុគ្គ​ល​​​ដ៏​​​មាន​​​គ្រោះ​​​ថ្នាក់​​​​ម្នាក់​​​​នេះ​​​ ក្នុង​​​ពន្ធនាគារ​​​ដ៏​​​រឹង​​​មាំ​​​មួយ ក្រោម​​​ការ​​​យាមកាម​​​យ៉ាង​​​តឹង​​​តែង​។ ​អ្វី​​​ដែល​​​នឹក​​​ស្មាន​​​មិន​​​ដល់ គឺ​មេដឹកនាំ​​​ក្រុម​​​អ្នក​​​លេង Sinaloa Cartel រូប​​​នេះ រត់​​​គេច​​​ខ្លួន​​​ចេញ​​​ពី​​​ពន្ធនាគារ​​​ដោយ​​​សុវត្ថិភាព​​​នៅ​​​វេលា​​​ម៉ោង​​​ជិត ៩​យ​ប់​កាល​ពី​ខែ​កក្កដា​ឆ្នាំ​២០១៥។ ការ​​​រត់​​​គេច​​​ខ្លួន ធ្វើ​​​ឡើង​​​តាម​​​រយៈ​​​រូង​​​ក្រោម​​​ដី ដែល​​​ជីក​​​ឡើង​​​ដោយ​​​ក្រុម​​​វិស្វករ​​​រ៉ែ​​​ជា​​​ច្រើន​​​នាក់​។ មេដឹកនាំ​​​ក្រុម​​​ស​ង្គ​ម​​​ងងឹត និង​​​ជា​​​ស្ដេច​​​ជួញ​​​ដូរ​​​គ្រឿង​​​ញៀន​​​ដ៏​​​កក្រើក​​​រូប​​​នេះ ត្រូវ​ចាប់​​​ខ្លួន​​​លើក​​​ចុង​​​ក្រោយ​​​កាល​​​ពី​​​ដើម​ឆ្នាំ​២០១៦ និង​កំពុង​ជាប់​ឃុំ​ខ្លួន​ក្នុង​សហរដ្ឋអាមេរិក។

ក្រឡេក​ទៅ​ឆ្នាំ​២០១៥ មហាជន​មាន​ការ​ភ្ញាក់​ផ្អើល​យ៉ាង​ខ្លាំង នឹង​​រូង​​​គេច​​​ខ្លួន​​​របស់​​​មេ​​​ជួញដូរ​​​​គ្រឿង​​​ញៀន​​​រូប​​​នេះ ដែល​មាន​​​ចម្ងាយ​​​ប្រមាណ ១,៤៥​​គីឡូម៉ែត្រ និង​​​ជីក​​​លុង​​​ទៅ​​​ក្រោម​​​ដី​​​ជ​ម្រៅ​​​ជិត ១០​​ម៉ែត្រ​។ ចំណែក​​​​ទំហំ​​​រូង​​​មាន​​​រ​ង្វាស់​​​ទទឹង​​​ជាង ៦​​តឹក និង​​​កម្ពស់​​​ប្រមាណ ១,៧០​​ម៉ែត្រ​។ ដើម្បី​​​ជីក​​​ដល់​​​ពន្ធនាគារ ក្រុម​​​វិស្វករ​​​ត្រូវ​​​យក​​​ដី​​​ចេញ ៣២៥០​​តោន ស្មើ​​​នឹង ៣៧៩​​ឡាន​​​ដឹក​​​ដី​​​ធំៗ​។​

បើ​​​តាម​​​ប្រភព​​​ពី​​​អ្នក​​​ជិត​​​ខាង​​​ការដ្ឋាន​​​បាន​​​ឲ្យ​​​ដឹង​​​ថា មនុស្ស​​​មួយ​​​ក្រុម​​​មាន​​​គ្នា​​​មិន​​​លើស​​​ពី ៤​​នាក់ ដែល​​​បាន​​​បង្កើត​​​រូង​​​គេច​​​ខ្លួន​​​ដ៏​​​អស្ចារ្យ​​​នេះ​​​ឡើង​។ ពួក​​​គេ​​​បាន​​​ធ្វើការ​​​ជា​​​ម​ធ្យ​ម ១០​​ម៉ោង​​​ក្នុង​​​មួយ​​​ថ្ងៃ អស់​​​រយៈ​​​ពេល​​​ប្រហែល ១​​ឆ្នាំ​។ នៅ​​​ក្នុង​​​រូង​​​នោះ មាន​​​បំពាក់​​​ទៅ​​​ដោយ​​​អំពូល​​​ភ្លើង អុកស៊ីហ្សែន​​​សម្រាប់​​​សង្គ្រោះ​​​បន្ទាន់ និង​​​រ​ន្ធ​​​ឲ្យ​​​ខ្យល់​​​ចេញ​​​ចូល​។​បើ​​​តាម​​​សារ​ព័ត៌មាន Daily Mail បាន​​​បង្ហាញ​​​ថា រូង​​​ក្រោម​​​ដី​​​នេះ​​​អាច​​​ត្រូវ​​​ចំណាយ​​​ប្រាក់​​​រហូត​​​ដល់ ៥០​​លាន​​​ដុល្លារ​​​ដើម្បី​​​សាង​​​សង់​​​ឡើង​។

បន្ទាប់​​​ពី​​​ស្ដេច​​​គ្រឿង​​​ញៀន​​​រូប​​​នេះ​​​រត់​​​គេច​​​ខ្លួន​​​បាត់ រដ្ឋាភិបាល​​​ម៉ិក​ស៊ីកូ​​​បាន​​​ប្រកាស​​​ថា​​​នឹង​​​ផ្ដល់​​​ប្រាក់​​​រ​ង្វាន់ ៣,៨​​លាន​​​ដុល្លារ ដល់​​​ជន​​​ណា​​​ដែល​​​ផ្ដល់​​​ដំណឹង ហើយ​ចុង​ក្រោយ​សមត្ថកិច្ច​ជា​អ្នក​ស្រាវជ្រាវ​ចាប់​ខ្លួន​បាន​ជា​ថ្មី​នៅ​ខែ​មករា ឆ្នាំ​២០១៦។ កាល​ពី​​​​ឆ្នាំ​២០០១ ឧក្រិដ្ឋ​ជន​​​រូប​​​នេះ ក៏​ធ្លាប់​​​រត់​​​ចេញ​​​ពី​​​ពន្ធនាគារ​​​ម្ដង​​​រួច​​​មក​​​ហើយ បើ​​​ទោះ​​​បី​​​មាន​​​ការ​​​យាមកាម​​​យ៉ាង​​​តឹង​​​តែង​​​បែប​​​ណា​​​ក្ដី​។

វិធី​​​គេច​​​ខ្លួន​​​ទាំង​​​ពីរ​​​លើក សុទ្ធតែ​​​ប្រកប​​​ដោយ​​​ល្បិច​​​អស្ចារ្យ​​​ស្រ​ដៀង​​​ទៅ​​​នឹង​​​ខ្សែ​​​​ភាព​យ​ន្ត ដែល​​​មនុស្ស​​​ជា​​​ច្រើន​​​ពោល​​​សរសើរ​​​មិន​​​ដាច់​​​ពី​​​មាត់​។​​El Chapo ត្រូវ​​​បាន​​​ចាប់​​​ខ្លួន​​​លើក​​​ទី​​​មួយ​​​នៅ​​​ប្រទេស​​​ហ្គា​តេ​ម៉ាឡា កាល​​​ពី​​​ថ្ងៃ​​​ទី​០៩ ខែ​​​មិថុនា ឆ្នាំ​​១៩៩៣​។ បន្ទាប់​​​ពី​​​បញ្ជូន​​​ដល់​​​ប្រទេស​​​ម៉ិក​ស៊ីកូ ស្ដេច​​​គ្រឿង​ញៀន​​​រូប​​​នេះ​​​ត្រូវ​​​កាត់​​​ទោស​​​ដាក់​​​ពន្ធនាគារ ២០​​ឆ្នាំ ៩​​ខែ ពី​​​បទ​​​ល្មើស​​​គ្រឿង​ញៀន ព្រម​​​ទាំង​​​បទ​​​ឧក្រិដ្ឋ​​​ជា​​​ច្រើន​​​ទៀត​។

ជាង ៧​​ឆ្នាំ​​​ក្រោយ​​​មក ពោល​​​គឺ​​​នៅ​​​ថ្ងៃ​​​ទី​១៩ ខែ​​​មករា ឆ្នាំ​​២០០១ អនុរក្ស​​​ពន្ធនាគារ បាន​​​សហការ​​​ជាមួយ​​​បុគ្គលិក​​​បើក​​​ដៃ​​​ឲ្យ El Chapo រត់​​​គេច​​​ខ្លួន​​​ដោយ​​​សុវត្ថិភាព​។​តាម​​​ម​ន្ត្រី​​​ម៉ិក​ស៊ីកូ បាន​​​ឲ្យ​​​ដឹង​​​ថា​​​មនុស្ស ៧៨​នាក់​​​ដែល​​​មាន​​​ឋានៈ​​​តាំង​​​ពី​​​បុគ្គលិក​​​ជាន់​​​ទាប​​​រហូត​​​ដល់​​​ម​ន្ត្រី​​​ថ្នាក់​​​ខ្ពស់ ជាប់​​​ពាក់​ព័ន្ធ​​​គ​ម្រោង​ការណ៍​​​គេច​​​ខ្លួន​​​របស់ El Chapo នា​​​ពេល​​​នោះ ហើយ​​​បច្ចុប្បន្ន​​​មនុស្ស​​​​មួយ​​​ចំនួន​​​កំពុង​​​ជាប់​​​ពន្ធនាគារ​។

ការ​​​គេច​​​ខ្លួន​​​លើក​​​ទី​​​មួយ បាន​​​ចំណាយ​​​ទ្រ​ព្យ​​​សម្បត្តិ​​​របស់​​​មហាសេដ្ឋី​​​គ្រឿង​​​ញៀន​​​អស់​​​ប្រហែល ២,៥​​លាន​​​ដុល្លារ​។​វិធីសាស្ត្រ​​​រត់​​​គេច​​​ខ្លួន​​​របស់​​​ឧក្រិដ្ឋ​ជន​​​ជន​​​ជួញដូរ​​​គ្រឿង​​​ញៀន​​​ដ៏​​​កក្រើក​​​របស់​​​ប្រទេស​​​ម៉ិក​ស៊ីកូ បាន​​​ធ្វើ​​​ឲ្យ​​​​មនុស្ស​​​​ជា​​​ច្រើន​​​កោ​ត​​​ស្ញប់ស្ញែង និង​​​ចាត់​​​ទុក​​​ថា​​​ជា​​​ឈុត​​​មួយ​​​ក្នុង​​​ខ្សែ​​​ភាព​​​យ​ន្ត​​​ហូលីវូដ​។ អ្វី​​​ដែល​​​រឹត​​​តែ​​​គួរ​​​ឲ្យ​​​ចាប់​​​អារម្មណ៍​​​ទៅ​​​ទៀត​​​នោះ គឺ​​​ប៉ូលិស​​​បាន​​​រក​​​ឃើញ​​​បក្សី​​​មួយ​​​ក្បាល ដែល​​​អាច​​​ជា​​​មធ្យោបាយ​​​ធ្វើតេស្ត​​​ផ្លូវ​​​រូង​​​ក្រោម​​​ដី មុន​​​ពេល​​​ស្ដេច​​​គ្រឿង​​​ញៀន​​​រត់​​​គេច​​​ខ្លួន​។​​​​​​

បើ​​​តាម​​​ការ​​​ចុះ​​​ផ្សាយ​​​លើ​​​សារ​ព័ត៌មាន Business Insider បាន​​​ឲ្យ​​​ដឹង​​​ថា ការ​​​រត់​​​គេច​​​ខ្លួន​​​របស់​​​ឧក្រិដ្ឋ​ជន El Chapo មាន​​​អាថ៌​កំបាំង​​​កាន់​​​តែ​​​ជ្រៅ ​​​បន្ទាប់​​​អាជ្ញាធ​រ​​​ម៉ិក​ស៊ីកូ​​​ប្រទះ​​​ឃើញ​​​ខ្មោច​​​​បក្សី​​​តូច​​​មួយ​​​ក្បាល នៅ​​​ក្នុង​​​​ធុង​​​សំរាម​​​នៃ​​​គុក​​​ឃុំឃាំង​​​មេ​​​ជួញ​​​ដូរ​​​គ្រឿង​​​ញៀន​​​រូប​​​នេះ​។​ គេ​​​ជឿជាក់​​​ថា​​​បក្សី​​​តូច​​​នោះ ជា​​​មធ្យោបាយ​​​ធ្វើតេស្ត​​​ខ្យល់​​​រូង​​​ក្រោម​​​ដី​​​របស់​​​មេដឹកនាំ​​​ក្រុម​​​អ្នក​​​លេង Sinaloa Cartel ដើម្បី​​​សុវត្ថិភាព​​​មុន​​​ពេល​​​រត់​​​គេច​​​ខ្លួន​។

អាជ្ញាធ​រ​​​ម៉ិក​ស៊ីកូ​​​បាន​​​បញ្ជាក់​​​ទៀត​​​ថា ដោយសារ​​​ផ្លូវ​​​ខួ​ង​​​ចុះ​​​ទៅ​​​ក្រោម​ដី​​​​ជិត ១០​​ម៉ែត្រ គួប​​​ផ្សំ​​​ជាមួយ​​​ចម្ងាយ​​​ជាង ១​​គីឡូម៉ែត្រ ទើប​​​ក្រុម​​​វិស្វករ​​​មាន​​​បំណង​​​ឲ្យ​​​មហាសេដ្ឋី​​​គ្រឿង​​​ញៀន ធ្វើតេស្ត​​​សាកល្បង​​​បរិមាណ​​​ខ្យល់ ដើម្បី​​​បញ្ជាក់​​​ថា​​​រូប​​​គេ​​​អាច​​​រួច​​​ខ្លួន​​​ដោយ​​​សុវត្ថិភាព​។

​មុន​​​ពេល​​​កើត​​​ហេតុ​​​នៅ​​​វេលា​​​យ​ប់​​​នោះ អ្នក​​​ជាប់​​​ឃុំ​​​ឃាំង​​​មួយ​​​ចំនួន​​​បាន​​​និយាយ​​​ថា ឮ​​​សំឡេង​​​រំខាន​​​ខុស​​​ប្លែក​​​ពី​​​ធម្មតា ដែល​​​នាំ​​​ឲ្យ​​​គេ​​​ស​ង្ស័​យ​​​ថា​​​មាន​​​ការ​​​ជាប់​​​ពាក់​​​ព័ន្ធ​​​ជាមួយ​​​ម​ន្ត្រី​​​ខាង​​​ក្នុង​។ ជាមួយ​​​គ្នា​​​នេះ​​​ដែរ រដ្ឋ​ម​ន្ត្រី​​​ក្រសួង​​​មហាផ្ទៃ​​​ម៉ិក​ស៊ីកូ Migual Angel Osorio Chong បាន​​​អះ​​​អាង​​​ការ គ​ម្រោង​​​គេច​​​ខ្លួន​​​របស់ El Chapo អាច​​​មាន​​​ការ​​​បើក​​​ដៃ​​​ពី​​​ម​ន្ត្រី​​​ពន្ធនាគារ​។​​​រូង​​​គេច​​​ខ្លួន​​​របស់​​​មេ​​​ក្រុម​​​ស​ង្គ​ម​​​ងងឹត​​​​រូប​​​នេះ មាន​​​ចម្ងាយ​​​ប្រមាណ ១,៤៥​​គីឡូម៉ែត្រ និង​​​ជីក​​​លុង​​​ទៅ​​​ក្រោម​​​ដី​​​ជ​ម្រៅ​​​ជិត ១០​​ម៉ែត្រ​។

អតីត​​​អ្នក​​​ទោស​​​ម្នាក់​​​ដែល​​​ធ្លាប់​​​ចំណាយ​​​ពេល​​​ច្រើន​​​ឆ្នាំ​​​នៅ​​​ក្នុង​​​ពន្ធនាគារ​​​ជាមួយ​​​មេ​​​ខ្លោង​​​ជួញ​​​ដូរ​​​គ្រឿង​​​ញៀន El Chapo បាន​​​លាត​​​ត្រ​ដាង​​​ថា ឆ្មាំ​​​គុក​​​គោរ​ព​​​ឧក្រិដ្ឋ​ជន​​​រូប​​​នេះ​​​បំផុត និង​​​ចាត់​​​ទុក​​​ដូច​​​ជា​​​ស្ដេច​។​​​វេជ្ជបណ្ឌិត Bertoldo Martinez Cruz ជា​​​មេដឹកនាំ​​​ចលនា​​​នយោបាយ​​​មួយ​​​ឈ្មោះ Guerrero Popular Movement ដែល​​​ត្រូវ​​​ប៉ូលិស​​​ម៉ិក​ស៊ីកូ​​​ចាប់​​​ខ្លួន​​​ក្នុង​​​ឆ្នាំ​​១៩៩៩​។ អតីត​​​អ្នក​​​ទោស​​​រូប​​​នេះ ត្រូវ​​​បញ្ជូន​​​ទៅ​​​ពន្ធនាគារ​​​ក្រោម​​​ការ​​​យាម​​​កាម​​​តឹង​​​រឹង​​​បំផុត ដែល​​​ជា​​​កន្លែង​​​ឃុំ​​​ខ្លួន​​​ឧក្រិដ្ឋ​ជន El Chapo​។ ​​​

ដោយសារ​​​លោក​​​ជា​​​អ្នក​​​ទោស​​​នយោបាយ ឆ្មាំ​​​គុក​​​មិន​​​បាន​​​យក​​​ចិត្ត​​​ទុក​​​ដាក់​​​ចំពោះ​​​លោក​​​ឡើយ ប៉ុន្តែ El Chapo បាន​​​ប្រើ​​​អំណាច​​​ដើម្បី​​​ជួយ​​​លោក​។ ក្នុង​​​បទ​​​សម្ភាសន៍​​​ជាមួយ​​​វិបសាយ Blog Del Narco របស់​​​ប្រទេស​​​អេ​ស្ប៉ាញ លោក Cruz បាន​​​បញ្ជាក់​​​ថា El Chapo មាន​​​សិទ្ធិ​​​អំណាច​​​ខ្លាំង​​​បំផុត​​​នៅ​​​ក្នុង​​​គុក ហើយ​​​ជា​​​មនុស្ស​​​តែ​​​ម្នាក់​​​គត់​​​ដែល​​​មាន​​​ទូរ​សព្ទ​​​ដៃ​​​ប្រើ។ ដោយសារ​តែ​ល្បិច ដ៏​ពិបាក​ការពារ​បែប​នេះ ទើប​មិកស៊ីកូ សម្រេច​ធ្វើ​បត្យាប័ន​ផ្ដល់​អ្នក​ទោស​រូប​នេះ ទៅ​ឱ្យ​សហរដ្ឋអាមេរិក ក្រោយ​ពេល​ចាប់​ខ្លួន​បាន​លើក​ទី២៕