ស្អាតណាស់! នេះជាឈុតដំណាងជាតិ ​ដែលតារាបង្ហាញម៉ូតកម្ពុជា យកទៅប្រកួតក្នុងកម្មវិធី Face Of Asia បង្ហាញអំពីក្រណាត់សូត្រខ្មែរ​ ចរបាប់​ខ្មែរ​ និងការប៉ាក់ឌិន​ ទាំងការរចនាម៉ូតក្ងោកល្អឯក ដោយស្នាដៃកូនខ្មែរទាំងអស់ (មានវីដេអូ)

តាមរយះហ្វេសប៊ុកមួយឈ្មោះ New Face Cambodia បាន​បង្ហោះវីដេអូ និងរូបជាច្រើនសន្លឹក ពី តារាបង្ហាញម៉ូតកម្ពុជាពីររូប ដែលបានបង្ហាញខ្លួនក្នុង ប្រកួតក្នុងកម្មវិធី Face Of Asia នៅថ្ងៃផ្តាច់ព្រ័ត្រ ក្នុងឈុតដំណាងជាតិ​ មើលទៅពិតជាស្រស់ស្អាត គួរឲ្យគយគន់ខ្លាំងណាស់ ហើយកម្មវិធីមួយនេះ បានរៀបចំធ្វើឡើងនៅ ប្រទេសកូរ៉េខាងត្បូង។

ហ្វេសប៊ុកខាងលើនេះ ក៏បានភ្ជាប់សារបញ្ជាក់ឲ្យដឹងបន្ថែមទៀតថា “ឈុតដំណាងជាតិ​ដែលតារាបង្ហាញម៉ូតកម្ពុជាទាំងពីរពាំនាំទៅប្រកួតក្នុងកម្មវិធី Face Of Asia នៅថ្ងៃផ្តាច់ព្រ័ត្រនេះ​ បានរៀបចំរចនាយ៉ាងប្រណិតដោយ សំអាងការម៉ាយូរ៉ាហ្គោល ដែល

បង្ហាញអំពីក្រណាត់សូត្រខ្មែរ​ ចរបាប់​ខ្មែរ​ និងការប៉ាក់ឌិន​ ទាំងការរចនាម៉ូតក្ងោកល្អឯកដោយស្នាដៃកូនខ្មែរទាំងអស់​ ដែលទាំងនេះបានបង្ហាញនូវអត្តសញ្ញាណខ្មែរពិតៗ!”។ ដើម្បីជ្រាប កាន់តែច្បាស់ សូមទស្សនាវីដេអូខាងក្រោមនេះ៕

Leave a Reply

Your email address will not be published. Required fields are marked *