រំភើបជំនួស! លោក ឱក ព្រហ្មសុដន្ត្រៈ បានឈ្នះពានរង្វាន់ឆ្នាំ២០២០ ក្រោយពីបានឡើងលើវេទិកា TED ដើម្បីធ្វើការសម្តែង និងរៀបរាប់បង្ហាញពីរបាំបុរាណរបស់ខ្មែរ ទៅបរទេសឲ្យបានយល់ដឹង

ប្រិយមិត្ដប្រាកដជាទទួលជ្រាបរួចមកហើយ ដែលកាលពីពេលថ្មីៗនេះ វីដេអូមួយត្រូវបានមហាជនរបស់យើង ដែលជាអ្នកនិយមប្រើប្រាស់បណ្ដាញសង្គម ហ្វេសប៊ុក បាននាំគ្នាស៊ែរចែករំលែកយ៉ាងច្រើន រហូតទៅដល់ជិត២មុឺនដងឯណោះ ស្ដីពីបុរសម្នាក់ជាជនជាតិខ្មែររបស់យើង បានធ្វើឲ្យពិភពលោកមានការកោតសរសើររូបលោកជាខ្លាំង ព្រោះតែរូបលោកបានឡើងសម្ដែងរបាំរបស់ខ្មែរ នៅលើវេទកា TED មួយដ៏ល្បីឈ្មោះ។

ក្នុងវីដេអូ ដែលបង្ហោះឡើង កាលពីថ្ងៃច័ន្ទ ទី២៥ ខែវិច្ឆិកាឆ្នាំ២០១៩ ដោយម្ចាស់គេហទំព័រ ហ្វេសប៊ុកផេក ឈ្មោះ ប្រយោជន៍ – Brayoch បានជួយសម្រួលបកប្រែជាភាសាខ្មែរ និងបានសរសេរប្រាប់ឱ្យដឹងថា៖”(វីដេអូបន្តកន្លែងរៀបរាប់សំខាន់ៗ) លោក ឱក ព្រហ្មសុដន្ត្រៈ (Prumsodun Ok) ជាបងប្អូនខ្មែរយើង

ដែលបានឡើងមកលើវេទិកា TED ដ៏អស្ចារ្យ ដើម្បីធ្វើការសម្តែង និងរៀបរាប់បង្ហាញពីរបាំបុរាណរបស់ខ្មែរទៅបរទេសឲ្យបានយល់ដឹង។ ខាងក្រោមនេះជាការនិយាយរៀបរាប់របស់គាត់ទៅបរទេស។ (បញ្ចូលអក្សរខ្មែរលើវីឌីអូដោយ Brayoch, កុំភ្លេចចុច ឡាយផេក ដើម្បីតាមដានផុសបន្ត)

យើងមានកាយវិការដៃបួនធំៗដែលយើងប្រើ។ តើអាចអនុវត្តជាមួយគ្នាបានទេ? បាទ? យល់ព្រម។ នេះគឺជាដើមឈើមួយ, ដើមឈើនោះនឹងដុះឡើង បន្ទាប់មកវានឹងមានស្លឹក។ បន្ទាប់ពីវាមានស្លឹក វានឹងមានផ្កា ហើយបន្ទាប់ពីវាមានផ្កាវា នឹងមានផ្លែ។ ផ្លែឈើនោះនឹងធ្លាក់ចុះ ហើយដើមឈើថ្មីនឹងដុះឡើង។ ហើយនៅក្នុងកាយវិការទាំងបួននោះគឺជាវដ្តនៃជីវិត។ កាយវិការទាំងបួននេះ ត្រូវបានប្រើដើម្បីបង្កើតភាសាទាំងមូល ដែលអ្នករបាំសម្តែងចេញ។

ដូច្នេះឧទាហរណ៍ ខ្ញុំអាចនិយាយថា “ខ្ញុំ”, “ខ្ញុំ ” នៅក្នុងរបាំដែលនឹងត្រូវ “ខ្ញុំ”។ ឬខ្ញុំអាចនិយាយថា “ហេអ្នកមកទីនេះមកទីនេះ”, នៅក្នុងរបាំ “មកទីនេះ” ឬ “ទៅទៅ”, “ទៅ ” ហើយអ្វីគ្រប់យ៉ាងពីសេចក្តីស្រឡាញ់រហូតដល់សោកសៅ កំហឹងក៏អាចត្រូវបានបង្ហាញតាមរយៈរបាំផងដែរ។ មានសិល្បៈជាក់លាក់មួយនៅក្នុងរបៀបដែលអ្វីៗត្រូវបានត្រង, ផ្លាស់ប្តូរ និងដាក់បញ្ចូលគ្នាដើម្បីបង្កើតលទ្ធភាពក្នុងសិល្បៈ។

ក្នុងពាក្យខ្មែរ “សិល្បៈ” តាមពិតវាមានន័យថា “វេទមន្ត”។ អ្នកសិល្បករ ឬសិល្បការនី, តែមិនមែនជាប្រភេទអ្នកលេងសៀកទេ។ ខ្ញុំពិតជាមានមោទនភាពណាស់ ដែលខ្ញុំជាអ្នកសិល្បៈបន្តជំនាន់ពីគ្រូរបស់ខ្ញុំគឺ “សូហ្វីលីន ជៀម សាហ៊ីរ៉ូ”, ពីគ្រូរបស់គាត់ ធ្លាប់ជាតារានៅក្នុងព្រះបរមរាជវាំង, ពីអ្នករបាំបុរាណអង្គរ និងពីអ្នកភូមិដើមដែលមានទម្រង់សិល្បៈដើមកើតឡើង”។

ទន្ទឹមនឹងនេះដែរ ពិតជារឿងដ៏គួរអោយសែនត្រេកអរមួយ និងមានមោទនភាពជាខ្លាំង ដោយយោងតាមការដកស្រង់ចេញពីសារព័ត៍មាន BBC News លោក ឱក ព្រហ្មសុដន្ត្រៈ ធ្លាប់ត្រូវបានចូលរួមសម្ដែង នៅក្នុងព្រឹត្ដិការណ៏ធំៗជាច្រើន ដែលបានរៀបចំឡើងដ៏ក្រសួងវប្បធម៌ ប៉ុន្ដែអ្វីដែលកាន់តែពិសេសទៀតនោះ គឺរូបលោកទើបតែទទួលបានពានរង្វាន់ឆ្នាំ២០២០ ពីមូលនិធិ Monette Horwitz Trust ដែលជាសមាគមមួយ ដ៏មានឥទ្ធិពលខ្លាំងបំផុត នៅក្នុងម្លុកបំបាត់ការរើសអើងមនុស្ស ដែលស្រលាញ់ភេទដូចគ្នាផងដែរ”។

ប្រភព៖khosja

Leave a Reply

Your email address will not be published. Required fields are marked *

shares