ខ្លំាងមែន!កីឡាការិនីកម្ពុជា ខាន់ ចេសា ឡើងវគ្គបន្ដ ក្រោយបំបាក់វៀតណាម ១០០-០ពិន្ទុ

(ម៉ានីល)៖ កីឡាការិនីជឺជិតស៊ូដ៏ឆ្នើមរបស់កម្ពុជា ខាន់ ចេសា បានឡើងវគ្គបន្ដហើយ បន្ទាប់ពីទម្លាក់កីឡាការិនីវៀតណាម ដោយលទ្ធផល ១០០-០ពិន្ទុ ក្នុងប្រកួតដំបូង ដែលទើបបញ្ចប់មុននេះបន្ដិចនៃព្រឹត្តិការណ៍កីឡាស៊ីហ្គេម(SEA Games) លើកទី៣០ នៅទីក្រុង Clark ប្រទេសហ្វីលីពីន។

លោក វ៉ាត់ ចំរើន នាយបេសកកម្មកីឡាស៊ីហ្គេមរបស់កម្ពុជា បានឲ្យដឹងពីប្រទេសហ្វីលីពីនថា កីឡាការិនីកូនកាត់អាមេរិក ខាន់ ចេសា ធ្វើបានយ៉ាងល្អក្នុងប្រកួតដំបូងរបស់ខ្លួន តែនាងនៅសល់ ៣ប្រកួតក្នុងដៃទៀត ដោយត្រូវការជ័យជម្នះគ្រប់ការប្រកួត ដើម្បីឈានទៅដណ្ដើមមេដាយមាសជូនជាតិ ។

គួរបញ្ជាក់ថា ខាន់ ចេសា ប្រកួតលើវិញ្ញាសាទម្ងន់ ៤៩គីឡូក្រាម ដែលជាវិញ្ញាសាកីឡាការិនីវ័យ ១៧ឆ្នាំរូបនេះ ធ្លាប់ដណ្ដើមបានមេដាយមាសកីឡាអាស៊ី លើកទី១៨ នៅប្រទេសឥណ្ឌូនេស៊ី កាលពីឆ្នាំ២០១៨៕

 

 

 


ប្រភព៖freshnews

Leave a Reply

Your email address will not be published. Required fields are marked *